Read lango Nyut a Lakana 7 Bible Online

Nyut a Lakana 7 - lango bible

Nyut a Lakana 7

¹Icennere ate neno omalaika aŋwen ocuŋ i but lobo aŋwen luŋ, ame ageŋo yamo me lobo oko, me yabo moro kur kod i lobo, onyo i nam, onyo i kom yattoro.

²Dok ate neno amalaika ocele ame ayitto malo i kan a ceŋ donnyo iye, kun tye kede anen Obaŋa akwo. Oredo i dwon aloŋo baŋ omalaika aŋwen ame omiogi twer me balo lobo kede nam,

³kun kobo ni, “Kur ibal wunu lobo onyo nam onyo yen, ituno ame wan otyeko keto anen i kom omiro Obaŋa, i tur nyimgi.”

⁴Eka ate winyo wel jo ame oketo anen i komgi, obedo jo tutumia mia acel kede pyeraŋwen wie aŋwen, ame oya i atekere jo Icrael luŋ.

⁵I kom atekere a Juda oketo anen i kom jo tutumia apar wie aryo, I kom atekere a Rcuben oketo anen i kom jo tutumia apar wie aryo, I kom atekere a Gad oketo anen i kom jo tutumia apar wie aryo.

⁶I kom atekere Acer oketo anen i kom jo tutumia apar wie aryo. I kom atekere a Naputali oketo anen i kom jo tutumia apar wie aryo, a Manace oketo I kom atekere anen i kom jo tutumia apar wie aryo.

⁷I kom atekere a Cimeon oketo anen i kom jo tutumia apar wie aryo. I kom atekere a Levi oketo anen i kom jo tutumia apar wie aryo. I kom atekere Icakar oketo anen i kom jo tutumia apar wie aryo.

⁸I kom atekere a Jabulon oketo anen i kom jo tutumia apar wie aryo. I kom atekere a Yucepu oketo anen i kom jo tutumia apar wie aryo, I kom atekere a Benjamin oketo anen i kom jo tutumia par wie aryo.

⁹Icennere ate neno lwak jo apol ata, ame ŋattoro mom romo kwano welgi, ame oya i rok, kede atekere, kede jo, kede leb apapat luŋ. Gin ocuŋ i nyim kom Ioc, kede i nyim Atin romo, ame orukere i jor atar, dok omako jaŋ otit i ciŋgi.

¹⁰Gin oredo i dwon aloŋo ni, “Laro jo tye baŋ Obaŋawa ame bedo i kom loc, kede baŋ Atin romo!”

¹¹Eka omalaika luŋ ame ocuŋ kun oguro kom loc, kede odoŋe, kede leyi aŋwen, akwo te onyere piny aryeba cuny i nyim kom loc, ote woro Obaŋa,

¹²kun okobo ni, “Amen! Pak kede kwogo kede ryeko kede pwoc, kede woro kede teko kede twer obed baŋ Obaŋawa nakanaka. Amen.”

¹³Eka ŋat acel akina i odoŋe te penya ni, “Kara jo oruko jor atar-ri, gin jo mene, daŋ gin oya i kwene?”

¹⁴An ate dokke iye ni, “Adwoŋ, yin iŋeo.” En dok te kobba ni, “Magi gin jo ame owok i kom can adwoŋ meicel, gin daŋ doŋ olwoko rukgi oko i remo Atin romo, odoko atar kia.

¹⁵Pi mano, gin doŋ otye i nyim kom loc Obaŋa kun otiye dyeceŋ kede dyewor i ottete; ŋat ame obedo i wi kom loc bino bedo i akinagi kun gwokogi.

¹⁶Kec mom dok bino nekogi, kadi oryo pii, ceŋ mom dok bino waŋogi, kadi kit lyeto moro luŋ,

¹⁷Pien Atin rom a tye i kye kom loc bino bedo akwatgi; en bino terogi i pii akoŋ me kwo. Obaŋa daŋ bino weyo pig waŋgi oko ducu.”