Read lega-mwenga Matayo 28 Bible Online

Matayo 28 - lega-mwenga bible

Matayo 28

¹Mukusila kua busi bua sabato, nindunindu mu busi butangi buizinga, Malia Magadala nu ungo Malia bendile kulola ku nsinda.

²Nu kisi kiatengiletengile bubibu; kubuno mugenzi wa Mukota agelile kutuka muigulu, nu avule, nu atukizie ikozi, nu eikede galio.

³Kilungi kietaga mikenzi, nu nsulu zage zabezaga zenga nunse.

⁴Nu balangi bakule boba, nu bagilimine, babede anga bakua.

⁵Nu mugenzi akuide bakikulu bune, Tamunakua boba; kubuno nizi buno, mukulonda Yesu, wozo watakilue ku muti wa magu.

⁶Nteli gano; ayukile anga buatendile. Vuazi, mulole gabezaga Mukota.

⁷Nu sasiazi, nu mubule beigisibua bage bune, Ayukibua ku bakuzi; alinga kumutanga ku Galela; kuko ukumuamumoneko; bubo ubunamubula.

⁸Basasizie kutuka ku nsinda na boba nu mbogimbogi nnene, nu basasizie kukengelesia beigisibua bage.

⁹Nu Yesu akulumanine nabo, abasambizizie. Nu bamukundile, nu bamukatile ku masindi, nu bamukumbamine.

¹⁰Nu Yesu ababuide bune, Tamunakua boba; endazi, mubule mibuto zane buno, bende ku Galela, kuko ukubamoneko.

¹¹Gabezaga basenda, balangi bamozi bendile mu muino, nu babulile basankoga banene bunsania buabedeko.

¹²Nu gabakundamene na bakulu, nu bakalile luango, bakasile bakoloboyo falanga ningi.

¹³Bababuide bune, Mutende bune, Gatuabezaga tuiyombeka tulo, beigisibua bavule mu kindi, bamuibile.

¹⁴Nu ndi mukota ongua ku bubo, nu nti tuatende nage, teinyue ubabukitile.

¹⁵Bakoloboyo bakatile falanga, nu bakitile anga bubabatendile; nu basambede musagu wono ku baYuda aba nu kano kaluma.

¹⁶Beigisibua ikumi nu umozi bendile ku Galela, ku muiduko wababulile Yesu.

¹⁷Nu bamumueneko kuko, nu bamukumbamine; tondo bango bendezie miango.

¹⁸Nu Yesu abavuilide, ababuide bune, Nakasua buangato bunsania bua muigulu nu bua ga kisi.

¹⁹Kububo endazi mubike babilongo bansania kuba beigisibua, kubatizia muizina lia Tata, nu lia Muana, nu lia Muuza Wasililila.

²⁰Nu kubegisia kukatizia bunsania bunamukakizizie: nu unguililazi, nabe neinyu bindi binsania, aba kuzinda kua nkiko.