Read lega-mwenga Yoana 18 Bible Online

Yoana 18 - lega-mwenga bible

Yoana 18

¹Gatendile Yesu mamo moki, endile na beigisibua bage lisilia lia kazi ka Kidilona, kuabezaga isoa, engidemo na beigisibua bage.

²Nuwe Yudasa, mugabuzi, abezaga eizi kiziki kikio: kubuno Yesu abezaga ekuendako mambizi meingi na beigisibua bage.

³Yudasa avule na kibombo kia bakoloboyo, nu bakambi, batukile ku basankoga banene nu baFalese, bavule na tusuku nu bia bita.

⁴Yesu amenyine bunsania buamubasile, endile kubeli, ababuzizie bune, Mukulonda nazi?

⁵Bamuakuide bune, Yesu wa Nazaleta. Yesu ababuide bune, Unne gono. Nu Yudasa mugabuzi abezaga emana nabo.

⁶Gababuide bune, Unne gono, basubizie lumbusambusa, baguede gansi.

⁷We abatendile lingo bune, Mukulonda nazi? Nu batendile bune, Yesu wa Nazaleta.

⁸Yesu abakuide bune, Namubula lingo buno, unne gono, ndi mukundonda sigazi babo beiyendele:

⁹buno idagi lizindilile liatendile bune, Babano bawankasile nsiazimizizie umozi kubeli.

¹⁰Simona Petelo abezaga na bupanga abubasizie mu musagi, nu asesile kutuzi kua seidume kua mukambi wa sankoga munene. Izina lia wozo mukambi Malaku.

¹¹Yesu abuide Petelo bune, Ingizia bupanga buobe mu musagi: ndi nsikanua kituma kiankasile Tatane?

¹²Nu kibombo kia basankoga banene, nu bakoloboyo nu bakambi ba baYuda, bakatile Yesu nu bamukandile,

¹³nu bendile nage kulinga ku Anasa; kubuno we abezaga isibiala wa Kayafa, uwabezaga sankoga munene ku muaka wozo.

¹⁴Kayafa uwakasile baYuda menge bune, Buatananina muntu umozi kukuila bantu.

¹⁵Nu Simona Petelo ayangile Yesu, nu ungo muigisibua. Muigisibua wozo amenyinue na sankoga munene, nu eingilide na Yesu gamozi mu lusu lua sankoga munene;

¹⁶tondo Petelo emanine kumbuga kua luibi. Muigisibua wamenyinue na sankoga munene, atukile nu atendile na wozo mukikulu walangaga luibi, nu eingide na Petelo.

¹⁷Mukikulu walangaga luibi, abuzizie Petelo bune, Ndi uwe uli umozi wa beigisibua ba muntu wono? We atendile bune, Tanne.

¹⁸Bakambi nu bakoloboyo bemanine kuko, bakongezie keiya ka makangania, kubuno kuabezaga mpego; bongule keiya; Petelo emene nabo, nu onguaga keiya.

¹⁹Nu sankoga munene abuzizie Yesu musagu wa beigisibua bage, nu musagu wa meigisia mage.

²⁰Yesu amuakuide bune, Nsiabisile bumozi ku kisi; nu bindi binsania neigisagia mu numba za musanganano nu mu numba nnene za kukumbamina, muabezaga baYuda bansania, nu nsiatendile bumozi ku lumbisombiso.

²¹Buni bukumbuzia? Buzia babo ubongule bunababuide, bo beizi bunababuide.

²²Nu gatendile bubo, mukambi umozi wabezaga buigi nage, alibuide Yesu lugizi, atendile bune, Buni bukuakula sankoga munene bubo?

²³Yesu amuakuide bune, Ndi natenda buli bubi, kasi bulongeki buli bubi: tondo ndi natenda busoga, kubuni kuwandibula?

²⁴Anasa amusingile akandua ku Kayafa, sankoga munene.

²⁵Simona Petelo abezaga emana nu ekungua keiya. Bamubuzizie bune, Ndi uwe uli umozi wa beigisibua bage? We atunine, nu atendile bune, Tanne.

²⁶Mukambi umozi wa sankoga munene, mubuto wa wozo wasesagua kutuzi na Petelo, amubuzizie bune, Nsiakumonineko nage muisoa?

²⁷Petelo atunine lingo: nu kazanga kongo mulume wa nkoko abikile.

²⁸Gabatukile na Yesu ku Kayafa, bendile nage mu Palatolia: [1] buabezaga buse nindunindu, tondo babo tabeingide mu Palatolia, buno banavua kubigibua, tondo balie kisagulo kiesuluko.

²⁹Pilato abavuilide, nu ababuzizie bune, Kubuni mukusongela muntu wono?

³⁰Bamuakuide bune, Songo muntu wono ta mubi, tatunakugabulidewe.

³¹Bubo Pilato ababuide bune, Mukatazi, nu mumusungie inyue benyene ku mulembe weinyu, nu baYuda bamubuide bune, Tatuli na buangato bua muntu:

³²buno bubo buatendaga Yesu buzindilile, alolesezie lukita lua lukuo luakakua.

³³Pilato eingide mu Palatolia, nu amanine Yesu nu amubuide bune, Ndi uwe u Mukota wa baYuda?

³⁴Yesu amuakuide bune, Ndi uwe ukutenda bubo, uwe wenyene, aba bango ubakusambalide musagu wane?

³⁵Pilato amuakuide bune, Ndi nne nili muYuda? Kilongo kiobe nu basankoga banene ubakugabula kundi: wakitile kikizi?

³⁶Yesu amuakuide bune, Bukota buane tabuli bua kisi kikino: songo bukota buane buabezaga bua kisi kikino, songo bakambi bane baneitene bita, nu nsinagabuidue ku baYuda: tondo bukota buane ta bua gano.

³⁷Pilato amubuide bune, Ndi uli Mukota? Yesu amuakuide bune, Bubo uwe ukubutenda, kubuno nili Mukota. Ku bubo nabutilue, nu ku bubo navule ku kisi kikino; buno nikilongekele bulili. Nu muntu unsania wa bulili nti ekungua kuiyuki liane.

³⁸Pilato amubuide bune, Kikizi bulili? Nu gasilile kutenda bubo, atukile, nu endile ku baYuda, nu ababuide bune, Nsiamumona na katati kampa.

³⁹Tondo mukabezaga na lukita lumozi, buno mu nkungu za kisagulo kiesuluko nti namukandulila muntu umozi; ndi mukutunda nimukandulile Mukota wa baYuda?

⁴⁰Tondo bansania balalukile bune, Ta wozo, tondo Balaba. Nu wozo Balaba abezaga munyagi.