Read lega-mwenga Yoana 2 Bible Online

Yoana 2 - lega-mwenga bible

Yoana 2

¹Mu kindi kia bisatu, isonga liabezaga mu Kana wa Galela; nu nina wa Yesu abezaga kuko:

²nu bamanine Yesu nu beigisibua bage ku kisagulo.

³Nu gasilile maku nina wa Yesu amubuide bune, Tabeli na maku.

⁴Nu Yesu amubuide bune, Mukikulu, nili nobe buni? Nkungu zane tazika.

⁵Nina abuide bakambi bune, Nti muakita tugu anga buamubulage.

⁶Kuabezaga malega mutuba ma makozi mabikagua mu mazi ma koga anga lukita lua baYuda, nalio nalio naliakukaga mu litele makumi mubula.

⁷Yesu ababuide bune, Iyaziazi malega na mazi. Nu beyaziziemo bundo.

⁸Ababuide bune, Matagazi, nu muende namo ku wozo mukota wa kisagulo.

⁹Nu gasondile mukota wa kisagulo ku mamo mazi magalukile maku, ntamenyine kumatukile (tondo bakambi bamatagaga ubamenyine buno mazi), wozo mukota wa kisagulo amanine musongi,

¹⁰nu amubuide bune, Na muntu na muntu nokukasanaga maku masoga, nu ndi bamanua, nu kusila nti abakasa mango mabi: tondo uwe walangile maku masoga aba nu kano kaluma.

¹¹Wozo umugeleko mutangi wakitile Yesu mu Kana wa Galela, nu alolesezie bantu lutanuno luage; nu beigisibua bage bamukatizizie.

¹²Nu endile na nina nu bato bage, nu beigisibua bage ku Kapenuma; nu tabezizizieko bindi bingi.

¹³Nu kisagulo kia baYuda kiabezaga buigi, nu Yesu abakamine ku Yelusalema.

¹⁴Nu asangile bakunzia ba ngombe nu mikoko nu nkulimba, nu bagalukia ba falanga beikile mu numba za kukumbamina:

¹⁵nu agondile kasusula ka musinge, nu embizie babo bansania mu zezo numba, nu mikoko nu ngombe; nu abalanganizie falanga za bagulania, nu edukizie meza mabo;

¹⁶nu ababuide bakunzia ba bilinga bune, Tukiazi bibino; tamunakita numba za Tatane anga numba za kagulilo.

¹⁷Beigisubua bage bakengede idagi liasanzilue bune, Kangonongono ka ku numba zobe kandia.

¹⁸Nu baYuda bamubuzizie bune, Ukutulosia kalolesio kakizi kakukita bubuno?

¹⁹Yesu atendile bune, Itazi zeno numba zakukumbamina, nu nazobake lingo ku bindi bisatu.

²⁰BaYuda batendile bune, Bobakile zeno numba nnene zakukumbamina miaka makumi manazi nu mutuba, nu uwe gunazobaka ku bindi bisatu?

²¹Tondo atendaga ku numba nnene za kukumbamina za mubili wage.

²²Gayukile ku bakuzi, beigisibua bage bakengede buno abatendile bubo; nu bakatizizie lilio isanzo, nu bubo buabatendaga Yesu.

²³Gabezaga mu Yelusalema ku kisagulo kiesuluko, bantu beingi bakatizizie izina liage, gabamonine migeleko zakitile.

²⁴Tondo Yesu ntabetabizizie, kubuno abezaga eizi bansania,

²⁵kubuno nteiyaninaga bulongeki bua muntu; kubuno wenyene amenyaga makengelo ma muntu.