Read lega-mwenga II Bakolinto 10 Bible Online

II Bakolinto 10 - lega-mwenga bible

II Bakolinto 10

¹Nunne Paolo nnenyene nkumusengezia ku kubota nu bubobelelo bua Klisto, kungua nili neinyu nti nabota, tondo ganteligo nti nili na magala kumuli:

²ububo, nkumusengezia, buno ndi niligo tamunsengezie mugugumano, anga bubo bubakutukengela, buno tukuenda anga ba kisi.

³Kubuno ndi tuli na mibili za kisi, tatukuluana bita na mibili za kisi.

⁴(Kubuno bieitu bia bita tabili bia kisi, tondo bili na magala mu Kalaga kugusia mukolo wa bita);

⁵nu kuibilila miango, nu binsania bikuikotia ku menge ma Kalaga, nu kuvuama makengelo mansania buno manze Klisto;

⁶nuisue tuse kayikayika kusungia babo beli na lunano, kungua muse na luanzo.

⁷Idolazi tanga bumukukita. Ndi muntu akuikengela wenyene buno eli muntu wa Klisto, nti akengele buno, bueli muntu wa Klisto, bubo ubutuli nuisue bantu ba Klisto.

⁸Kubuno ndi nkuikaka tugu ku buangato (butuakasilue na Mukota buno tumulindie ta kumugusia), nti nsikue nsoni:

⁹ninavua kumuitia na boba ku mikanda zane.

¹⁰Kubuno, bekutenda bune, Mikanda zage zili na buisulilua buingi nu akongagoa muzo; tondo ndi eli kuno kueitu nti abota nu nti ekutetuma.

¹¹Wono muntu ekukengela, lukita lutuli nalo mu mikanda gatuteli, unu bubo butuli nunse.

¹²Kubuno tatukutunda kuikaka nabo aba kuidingimania na babo bekuikaka: tondo ku kuidingimania kuabo, nu ku kuidingimania kuabo, buabo buabo, nti tabeli na menge.

¹³Tondo isue tatukuikaka anga bututeli, tondo anga butuakasilue na Kalaga, nu anga bubo butuakasile kueinyu.

¹⁴Kubuno tatukutingila gago gatuakasidue, anga buno tatuamubaside, kubuno tuamubaside na musagu musoga wa Klisto:

¹⁵tatukuikaka anga bututeli, aba mu milimo za bango bantu; tondo kukuba na kilemanizio, anga bukatizio bueinyu ga bueitile, nti tuatalikilue kumuli nu kuitila nunse,

¹⁶aba nu kusambala musagu musoga mu bisi bili lisa na kueinyu, aba tatuikake ku bitondo biasila kukitua na bango.

¹⁷Tondo we ukuikaka nti ikaka mu Mukota.

¹⁸Kubuno ta wozo muntu ukukakua ukuikaka wenyene, tondo wozo ukukakua na Mukota.