Read lega-mwenga Bagalatia 4 Bible Online

Bagalatia 4 - lega-mwenga bible

Bagalatia 4

¹Tondo nkutenda bubuno, mupieni nkungu insania zeli muana ntengukana na mukobe ku kitondo kimozi, tondo eli mukota wa bansania.

²Tondo nti angatua na begisia nu balangi aba nu nkungu zasila kubikua neisi.

³Bubo nuisue, gatuabezaga tukili bana, tuabezaga tukukitibua nunse ku bitondo bia kisi:

⁴tondo gakukile nkungu, Kalaga asingile Muana wage, abutilue na mukikulu, abutilue mu mulembe,

⁵buno abakulule babo babezaga mu mulembe, buno tubikue bana.

⁶Nu kubuno inyue muli bana, Kalaga asingile Muuza wa Muana wage mu mitima zeinyu, ukulila bune, Aba, Tateisue.

⁷Umpanga uwe ntuli lingo mukobe, tondo muana; nu ndi uli muana, kasi nti uli mupieni wa Kalaga.

⁸Tondo nkungu zezo, zimuabezaga tamumenya Kalaga, muakitide tuto tuteli na bumba bua tulaga:

⁹tondo kano kaluma gamuasila kumenya Kalaga, aba gamukumenyua na Kalaga, buni bumuasubia lingo ku bitondo bitasuaga nu bia muzambo, mukutunda lingo kubikitila P

¹⁰Mukukengela bindi, nu miezi, nu nkungu, nu miaka.

¹¹Nkukua boba ku kitondo kienyu, embe namukitide tugu butasuaga.

¹²Nkumusengezia, mibuto zane, mube anga bundi, kubuno nunne nili anga bumuli; tamuankitide bubi bumozi:

¹³tondo muizi ku kutamba kua mubili nalingile kumusambalila musagu musoga:

¹⁴nu mubili wane wabezaga idindiko kumuli tamuagubengile, aba kugusomba: muansekede anga mugenzi wa Kalaga, aba anga Yesu Klisto.

¹⁵Umpanga kuni kuli kubogaboga kumuabogagabogaga? Kubuno nkumulongekela buno, songo bunakulungene, songo muneitikizie meiso meinyu nu kumpamo.

¹⁶Ndi nabede muiti weinyu, kubuno nkumubula buli bulili?

¹⁷Babo bekumuyanga, tondo ta ku kitondo kisoga; bekumusomba; buno munavua kubayanga.

¹⁸Tondo lebelebe buli busoga kuyangua bindi binsania mu bitondo bisoga, aba ta ku nkungu zindi neinyu tugu.

¹⁹Bana bane, nili lingo na lubaba ku kabamba keinyu anga lubaba lua nina gakubuta muana, aba nu Klisto akabumbua mumuli—

²⁰nu bubo nkutunda nunse kuba neinyue kano kaluma, nu nkugalukia iyuki liane; kubuno nili na kangonongono kumuli.

²¹Mbulazi, inyue bekutunda kuba mu mulembe, tamukungua ku mulembe?

²²Kubuno buasanzilue bune, Abalahama abezaga na bana babili, umozi wa mukobe, nu ungo wa mukikulu wage.

²³Tondo wozo wa mukobe abutilue ku lutundo lua bumba bua buagi, nu wozo wa mukikulu wage, kuidagano.

²⁴Bibino biabezaga tugu kabali: kubuno bakikulu babano beli anga malagano mabili; umozi wa ku muiduko wa Sinai, abutile kikanga kia bakobe, u Haga.

²⁵Kubuno Haga u muiduko wa Sinai uguli ku Alaba walingimana na Yelusalema wa kano kaluma: eli mu bukobe na bana bage.

²⁶Tondo Yelusalema uli kuigulu uli mukandulua, uli meisue.

²⁷Kubuno buasanzilue bune, Bogaboga, mugumba utakubuta; Laluka neiyuki, ulile uwe uteli na lubaba lua kubuta muana: Kubuno bana ba kigilua beli beingi kutinga ba wozo uli neiba.

²⁸Umpanga, mibuto zane, anga buabezaga Isaka, tuli bana beidagano.

²⁹Tondo anga busi bubo, we wabutilue ku lutundo lua bumba bua buagi ababazizie wozo wabutilue ku Muuza, bubo buli nu kano kaluma.

³⁰Tondo buni bukutenda isanzo? Imbiazi mukebe nu muana wage; kubuno muana wa mukobe ntapiene gamozi na muana wa mukikulu weidagano.

³¹Umpanga mibuto zane, isue tatuli bana ba mukobe, tondo ba wono weidagano.