Read lega-mwenga Bagalatia 5 Bible Online

Bagalatia 5 - lega-mwenga bible

Bagalatia 5

¹Umpanga mu bukandulua bubuno Klisto atukanduide: lindazi, tamuingile lingo mu kikando kia bukobe.

²Unguililazi, nne Paolo nkumubula buno, ndi mukumonesibua, Klisto ntamutalikile kena.

³Kubuno nkumusambalila lingo ku muntu na muntu ukumonesibua, nti buamutananina anze mulembe unsania.

⁴Muanzukanibua na Klisto, inyue bansania bekutundaga kubingibua ku mulembe; muagalukile nu mukusiga mponga.

⁵Kubuno isue mu Muuza ku bukatizio tukulindila kilemanizio kia kuisanana.

⁶Kubuno mu Yesu Klisto kumonesibua takuli kena, aba kutamonesibua; tondo bukatizio buli na magala mu lutundo.

⁷Muendaga kantangoa busoga; nazi wamubigene, tamuanze bulili?

⁸Kulubikania kukuno takuatukile ku we wamumanine.

⁹Mugago mukeke ukugagia biasola binsania.

¹⁰Nili na kilemanizio kumuli mu Mukota, buno tamube na mutima wa lungo lukita; tondo we ukumusuna asungibue wenyene, aba ndi eli nazi.

¹¹Tondo nne, mibuto zane, ndi nikinasambalaga musagu wa kumonesibua, kubuno nikinababazibua P ugago ikitano lia muti wa magu Iiatikizibue,

¹²Ninatunda babano bamubikilaga mitima ibili beiketule ku mibili zabo.

¹³Kubuno inyue, mibuto zane, muamaninue buno mukandulue: tabube ku kitondo kia kuyanga lutundo lua bumba bua buagi, tondo ku lutundo mukitilane.

¹⁴Kubuno mulembe unsania wazindilila mu kitondo kimozi, nukio ukikino: utunde munyobe anga buwitunda uwenyene.

¹⁵Tondo ndi mukutoana nu kuliana muidange, buno munavua kuzikania.

¹⁶Tondo nkutenda bune, Endazi mu Muuza, nu tamukazindilizia lutundo lua bumba bua buagi.

¹⁷Kubuno bumba bua buagi bukusakaga na Muuza, nu Muuza ukusakaga na bumba bua buagi; kubuno bibino biengukana bibinyene; aba tamukuvuama kukita anga bumukutunda.

¹⁸Tondo ndi mukusondelezibua na Muuza, tamuli mu mulembe.

¹⁹Kano kaluma misako za bumba bua buagi zikumonekako, uzeno: butazi, nsese, nsoni,

²⁰kukumbamina nkisi, buganga, lusombo, nsake, lugi, bongoa, miango, kulekanuka,

²¹musona, kukua na maku, buliangundu, nu bitondo biasusania bibino; nkumukengeleziabio, anga bubo bunasilile kumukengelezia, buno babo bekukitaga bitondo bia lukita luluno tabapiene bukota bua Kalaga.

²²Tondo kiguma kia Muuza kili lutundo, mbogimbogi, bubobelelo, nkiki, mponga, busoga, bukatizio,

²³kubota, kuisungula; ku kitondo kikino takuli mulembe.

²⁴Nubo bantu ba Klisto Yesu basila kutaka bumba bua buagi nu makengelo mabi nu ntundo mbi.

²⁵Ndi tukulama mu Muuza, kasi tuendazi mu Muuza.

²⁶Tatuiganune buliabulia, ku kusunana, nu kutonania.