Read lega-mwenga I Batesolonike 1 Bible Online

I Batesolonike 1 - lega-mwenga bible

I Batesolonike 1

¹Paolo, nu Siluano, nu Timoteo, ku ekelezia lia Tesolonike mu Kalaga Isi nu Mukota Yesu Klisto: Mponga nu bubobelelo zibe kumuli.

²Tukusimaga Kalaga bindi binsania ku kabamba keinyu bansania, tukumusegela;

³tukukengelaga milimo zeinyu za bukatizio nu kukita kumukukita mu lutundo nu komanizia keinyu ka kilemanizio kili mu Mukota Yesu Klisto ku Kalaga Tateisue;

⁴mibuto zeitu, batundua ba Kalaga, tukumenya buno muasombuedue.

⁵Muizi buno musagu musoga weitu tawabasile kumuli kukutenda tugu, tondo gamozi na magala, nu mu Muuza Wasililila, nu mu kumenyinina kusoga nunse, nu muizi nkita zituabezaga nazo kumuli ku kabamba keinyu.

⁶Nu muabede muse muatususania nu kususania Mukota, gamuamenyine idagi muasungizibue nsungio ningi, na mbogimbogi za Muuza Wasililila;

⁷bubo muabede kalolesio ku bakatizia bansania ba ku Makedonia nu ba ku Akaya.

⁸Kubuno kutukila kueinyu idagi lia Mukota liungubua kunsania, ta ku Makedonia nu Akaya tugu, tondo nu mu kiziki na kiziki bukatizio bueinyu bumuli nabo ku Kalaga buamenyua; nu tatunabusambala bungo.

⁹Kubuno babo benyene bekusambala misagu zeitu anga butuabasile kueinyu; nu lukita lumuagalukide Kalaga nu kusiga nkisi, bubo kukitila Kalaga uli mulami nu wa bulili,

¹⁰nu kulindila Muana wage kutuka kuigulu, wayukizie ku bakuzi, u Yesu, watonezie ku bongoa bukavua.