Read lega-mwenga I Batesolonike 4 Bible Online

I Batesolonike 4 - lega-mwenga bible

I Batesolonike 4

¹Umpanga, mibuto zeitu, tukumusengezia nunse nu kumuana mu Mukota Yesu, anga butuamuigisizie buno mukite nu kutananizia Kalaga, nu anga bumukukita, muitile nunse mu bubo bindi binsania.

²Kubuno muizi kukakizia kutuamukakizizie mu Mukota Yesu.

³Kubuno bubuno ukusombola kua Kalaga, kusuagibua kueinyu, buno tamukite butazi;

⁴buno muntu na muntu angate mubili wage mukusuagibua nu mu luanzo,

⁵ta mu lukita lua lutundo lubi anga baBilongo beteizi Kalaga;

⁶muntu ntengelele mubuto wage aba kumukanga mu kitondo kikino: kubuno Mukota ukusubaga musubo ku bitondo bibino binsania, anga butualingile kumusambalila nu kulongeka.

⁷Kubuno Kalaga ntatumanine ku nsese, tondo kuba basuagibua.

⁸Tondo wozo ukusomba, nti ntakusomba muntu, tondo Kalaga nti uwakusomba, ukumukasa Muuza wage Wasililila.

⁹Ku kitondo kia kutundana mibuto zeitu, nsikutunda namusanzila: kubuno inyue benyene muigisizibue na Kalaga buno mutundane;

¹⁰kubuno mukutunda mibuto zeitu insania zili ku Makedonia. Tondo tukumusengezia, mibuto zeitu, muitilile bindi binsania;

¹¹nu bobelelazi, nu kukengela bitondo bienyu mubenyene, nu kukita milimo zeinyu mubenyene anga butuamukakizizie;

¹²bubo kitazi busoga ku babo batakatizia, aba tamuide kena.

¹³Tondo, mibuto zeitu, tukutunda muamenya musagu wa babo bakule; tamube na kabebe, anga bango, beteli na kilemanizio.

¹⁴Kubuno ndi tuakatizia buno Yesu akule nu ayukile, ububo babo bakule mu Yesu, Kalaga abalusie nage.

¹⁵Kubuno tukumutenda bubuno kuidagi lia Mukota, buno isue beli na kalamo, nu basigala aba nu nkungu za kuvua kua Mukota, tatuatange babo bakule,

¹⁶Kubuno Mukota wenyene agele kutuka kuigulu, nu mugenzi munene alaluke neiyuki inene, na monze wa Kalaga; nubo bakule mu Klisto balinge kuyukibua;

¹⁷nuisue beli na kalamo tukalinga kusigala, kumbusa tuekue nabo gamozi mu bimpa, nu tuakulumane na Mukota mu mpelela: nu bubo tukabezaga na Mukota nkiko zitanakuzinda.

¹⁸Umpanga mubobelezanie ku bitondo bibino.