Read lega-mwenga II Batesolonike 1 Bible Online

II Batesolonike 1 - lega-mwenga bible

II Batesolonike 1

¹Paolo, nu Siluano, nu Timoteo, ku ekelezia lia baTesolonike lili mu Kalaga Tateisue nu Mukota weitu Yesu Klisto;

²Mponga zibe kumuli nu bubobelelo bukutukaga ku Kalaga Tateisue nu Mukota weitu Yesu Klisto.

³Buatunganana kusimaga Kalaga bindi binsania ku kabamba keinyu, mibuto zeitu, anga buasuaga, kubuno bukatizio bueinyu bukukula nunse, nu lutundo lueinyu lumuatundana nunse;

⁴aba isue benyene tukuikakila mumuli mu maekelezia mansania ma Kalaga ku komanizia keinyu nu bukatizio bumuli nabo mu nsungio zeinyu nu mbabazio zimukuikalila;

⁵zili kalolesio ka lusungio luisanana lua Kalaga; buno muatananina kuingila mu bukota bua Kalaga, ku kabamba kabo mukubabazibua:

⁶kubuno buli buisanana ku Kalaga akabababazia babo bekumubabazagia,

⁷nuinyue bekubabazibua akamubogiabogia neisue, mu nkungu za kumoneka kua Mukota Yesu kutuka kuigulu na migenzi za magala mage mu ndembelela za keiya,

⁸akasungia bateizi Kalaga, nubo batanza musagu musoga wa Mukota weitu Yesu Klisto:

⁹bekuligua lusungio lua lukuo, luteli na kuzinda kulekanukibua na Mukota nu ku lutanuno lua magala mage,

¹⁰gakavua kuganunua mu basuagibua bage, nu kuba iganogano mu bansania bakatizizie (kubuno bulongeki bueitu buakatizizibue kumuli) mu busi bubo.

¹¹Kubuno tukumusegela bindi binsania, buno Kalaga weitu amutekule kuba batananina mu mubila weinyu, nu azindilizie nunse lutundo na lutundo lua busoga nu mulimo na mulimo wa bukatizio;

¹²buno izina lia Mukota weitu Yesu liganunue mumuli, nuinyue mueli, ku mponga za Kalaga weitu nu Mukota Yesu Klisto.