Read lega-mwenga II Batesolonike 2 Bible Online

II Batesolonike 2 - lega-mwenga bible

II Batesolonike 2

¹Kano kaluma tukumusengezia, mibuto zeitu, mu musagu wa kuvua kua Mukota weitu Yesu Klisto, nu kukundamana kueitu kueli;

²tondo tamusasie kugalukia makengelo meinyu, aba tamuzangibuezangibue mu lungo lukita, aba kuingo misagu, aba ku mukanda ubekutenda ukutuka kutuli, ukutenda buno busi bua Mukota buse buigi;

³muntu ntumuengelele mu bitondo bibino: kubuno busi bubo tabunaba ndi bulili tabusombua, nu kulolesibua kua wozo muntu wa buagi, muana wa lukuo,

⁴ukuemanaga nu ukuizanzulaga gantata ga kinsania kikumanua kalaga aba kikuganunua, nu ekuikala mu numba za kukumbamina Kalaga, ekuidolesia we wenyene buno eli Kalaga.

⁵Ndi tamukukengela, buno, nkungu zinabezaga nikili neinyu, namubulaga bitondo bibino?

⁶Nu kano kaluma mukumenya kikio kikumusunga, buno alolesibue mu nkungu zage.

⁷Kubuno bumba bua kubenga ubukukita mulimo kano kaluma: tondo umozi ukusunga aba nu gakatikibua.

⁸Nu gakalolesibua wozo muana wa kabenga, nuwe Mukota Yesu akamuita na muuza wa kanua kage, nu akamusungia gakavua;

⁹nu kuvua kuage kuli mu lukita lua makitilo ma Satana na magala mansania nu migeleko nu maganogano ma buza,

¹⁰nu mu buengelezi bunsania bua bubi ku babo bazimina; kubuno basombile lutundo lua bulili, kububo tabonibue.

¹¹Nu ku kabamba kakano Kalaga ekusinga magala ma buengelezi, aba nu bakatizie buza:

¹²buno basungibue bansania batakatizizie bulili, tondo babezaga bekuibogiabogia mu bitondo biteisa.

¹³Tondo buatutunganana kusima Kalaga bindi binsania ku kabamba keinyu, mibuto zeitu, batundua ba Mukota, kubuno Kalaga amusombuede kutukila wakalazi buno monibue mu kusuagibua kua Muuza Wasililila nu bukatizio bua bulili:

¹⁴kubuno amumanine na musagu musoga weitu, buno mube na lutanuno lua Mukota weitu Yesu Klisto.

¹⁵Umpanga, mibuto zeitu, lindazi, nu mukokomezie meigisia mamuigisizibue, ndi ku kutenda kueitu, aba ndi ku mukanda weitu.

¹⁶Nu Mukota weitu Yesu Klisto wenyene, nu Kalaga Tateisue watutundile nu watubobelezizie kubobelela kutenakuzinda nu kilemanizio kisoga ku mponga zage,

¹⁷abobelezie mitima zeinyu nu kumulindia mu makitilo mansania masoga nu kutenda kunsania kusoga.