Read lega-mwenga Tito 2 Bible Online

Tito 2 - lega-mwenga bible

Tito 2

¹Tondo uwe igisia bitondo bia meigisia masoga;

²bubuno bakungu ba bamulume bole, nu banze, nu beisungule, nu balinde mu bukatizio, nu mu lutundo, nu mu nkiki;

³nu bubo ku bakungu ba bakikulu babe na muendezi wasuaga, nu tababe bakandiki, nu tabanue maku, tondo bekuigisia meigisia masoga;

⁴buno beigisie bakikulu beki bakinga belame beiba babo, nu kuelama bana babo,

⁵kuisungula, nu babe na misako misoga, nu bakite mulimo mu numba zabo, nu bakite mponga, nu banze beiba babo, bubo musagu wa Kalaga tawanyegue;

⁶nu bubo ku bamulume beki basikila ubane buno beisungule;

⁷nu uwe ku misako zobe nti uzibatikizia kuzo; nu mu meigisia mobe igisia buasuaga, nu kubota,

⁸nu ntunasungibua, ndi ukutenda buligo; buno wozo ukutunda kukusungia akue na nsoni, ku kutaba na lukumu lubi mu musagu weitu.

⁹Igisia bakobe buno banze bakota babo, nu kubatananizia mu binsania; tababenge bubekutenda;

¹⁰tabeibe, tondo balolesie bukatizio bunsania busoga; buno basuagie meigisia ma Kalaga Monia weitu mu bitondo binsania.

¹¹Kubuno mponga za Kalaga zikulusia lonio ku bantu bansania,

¹²nuzo zikutuigisia buno tusombe bubi nu ntundo za kisi, nu tulame mu kuisungula, nu mu kuisanana nu mu kuanza Kalaga mu nkiko za kano kaluma;

¹³nu kulindila kilemanizio kia mbogimbogi nu kumoneka kua lutanuno lua Kalaga munene u Monia weitu Yesu Klisto;

¹⁴u wikasene ku kabamba keitu, buno atonie ku bubi bunsania, nu kuiyengezia bantu babe bage we wenyene, nubo babe na komanizia ku makitilo masoga.

¹⁵Igisia bitondo bibino, nu kuana, nu kuzugila na buangato bunsania. Muntu unsania ntakubenge.