Read lega-mwenga Yakobo 4 Bible Online

Yakobo 4 - lega-mwenga bible

Yakobo 4

¹Kuni kukutuka bita nu nsake gamusamba? Ndi ta ntundo zeinyu uzikumusakia?

²Mukutunda, tondo tamuli na kena; muli beiti, nu muli na lugi, nu tamuli na kena; mukusaka nu mukuitana; ububo tamuli na kena kubuno tamukusega.

³Mukusegaga nu tamukukasagua, kubuno mukusegaga bubi, kubuno mukuidangia mu ntundo zeinyu.

⁴Inyue beiti ba meiga ndi tamuizi buno wozo uli kilemba kia kisi nti asomba Kalaga? Nu unsania ukutunda kuba kilemba kia kisi nti ekutunda kuba musombi wa Kalaga.

⁵Aba ndi mukukengela buno masanzo makutenda bulia? Wozo Muuza wa lugi ukuikalaga mumuli.

⁶Tondo ekutukita mponga ningi nunse. Umpanga masanzo mekutenda bune, Kalaga ekutobagia beli na luikotio, tondo ekukitaga babo bekuibotia mponga.

⁷Umpanga anzazi Kalaga; tobiazi Liabo, u Satana, nuwe nti amutine.

⁸Kundazi ku Kalaga, nuwe amukunde. Ogazi ku maboko, inyue bagi; engiazi mitima zeinyu, inyue beli na mitima ibili.

⁹Ibabaziazi, mube na kabebe, nu lilazi: kuseka kueinyu kugaluke kabebe, nu mbogimbogi zeinyu zibe kabebe.

¹⁰Ibotiazi ku Mukota, nuwe amusakike.

¹¹Mibuto zane, tamukandisanie. Wozo wakandisia mubuto wage, aba ekusungia mubuto wage, akandisia mulembe, nu asungia mulembe, uwe ntuli mukiti wa mulembe, tondo uli ngatu.

¹²Mubiki wa mulembe u ngatu eli umozi tugu, uwozo unavuama konia nu kubigia; tondo uwe uli nazi ukusungia munyobe?

¹³Unguililazi, inyue bekutendaga buno, lelo aba lubi tuende kungo muino nu tuikale kuko muaka umozi, nu kukunza, nu kukunzia, nu kuba na mutali:

¹⁴nuinyue tamuizi buabe lubi. Buni buli kalamo keinyu? Kubuno inyue muli anga muki ukumonekako nkungu imozi, nu kusila nti wabomba.

¹⁵Tondo buli busoga kutenda buno, ndi Mukota atunda, tualame, nu tunakita bubuno aba bubo.

¹⁶Tondo kano kaluma mukuikaka mu luikotio lueinyu: kuikaka kunsania kua lukita luluno kuli kubi.

¹⁷Bubo wozo wizi kukita busoga, nu ntakubukita, nti bubo buli buagi kueli.