Read lega-mwenga 1 Yoana 2 Bible Online

1 Yoana 2 - lega-mwenga bible

1 Yoana 2

¹Bana bane bakeke, namusanzila bitondo bibino buno tamukite musako wa buagi. Nu ndi muntu akita musako wa buagi, nti tuli na mukulumania ku Tateisue, Yesu Klisto weisanana:

²nuwe wenyene eli mukulumania ku misako zeitu za buagi, nu ta ku zeitu kankanka, tondo ku za ba kisi kinsania.

³Nu ku bubuno tuizi buno tumuizi, ndi tukuanza makakizio mage.

⁴Nuwe ukutenda buno eimuizi, nuwe ntakuanza makakizio mage; nti eli muza, nu bulili tabuli mueli;

⁵tondo wozo wanza idagi liage, nti lutundo lua Kalaga luasililila mueli lebelebe. Ku bubuno tuizi buno tuli mueli:

⁶we ukutenda buno eli mueli buamutunganana kuenda wenyene anga bubo buendaga.

⁷Batundua bane, nsikumusanzila kungo kukakizia, tondo kuko kutangi; kuko kukakizia kutangi kumuakakizibagua.

⁸Lingo, kungo kukakizia kunkumusanzila, kuli bulili kueli nu kumuli; kubuno kapilo katingile, nu kiengi kia bulili kiasila kusana.

⁹We ukutenda buno eli mu kiengi nuwe asombaga mubuto wage, eikile mu kapilo aba nu kano kaluma.

¹⁰We watunda mubuto wage eikile mu kiengi, takuli kiziki kia kuikuka mueli.

¹¹Tondo we wasombaga mubuto wage ekile mu kapilo, nu nteizi kuakuenda, kubuno kapilo kamuziba meiso.

¹²Inyue, bana bakeke, namusanzila, kubuno misako zeinyu za buagi zasigililua ku kabamba keizina liage.

¹³Inyue, beisibo, namusanzila kubuno muamenyine wozo wabezaga mu kulinga. Inyue, basikila, namusanzila kubuno muakindile wozo mubi. Inyue, bana bakeke, namusanzila, kubuno muamenyine Isi,

¹⁴Inyue, beisibo, namusanzila kubuno muamenyine wozo wabezaga mu kulinga. Inyue, basikila, namusanzila kubuno muli na magala, nu idagi lia Kalaga lili mumuli, nu muakindile wozo mubi.

¹⁵Tamutunde kisi, aba bitondo bili mu kisi. Ndi muntu atunda kisi, lutundo lua Tatane taluli mueli.

¹⁶Kubuno binsania bili mu kisi, lutundo lua bumba bua buagi, nu lutundo lua meiso, nu luikotio lua kalamo, tabikutuka ku Tatane, tondo bikutuka mu kisi.

¹⁷Nu kisi kikutingaga na lutundo luakio; tondo we ukukita kusombola kua Kalaga, akikalaga ku nkiko zitanakuzinda.

¹⁸Bana bakeke, zili nkungu za kuzinda; nu bubo bumungule buno musombi wa Klisto avua, aba kano kaluma basombi beingi ba Klisto basila kumonekako; ku bubuno tuizi buno zili nkungu za kuzinda.

¹⁹Batukile kutuli, tondo tababezaga ba kutuli; kubuno songo babezaga ba kutuli, songo bekeide neisue; tondo batukile, buno balolesibue buno ta bansania u ba kutuli.

²⁰Nuinyue muabongezibue muambo na Wozo Wasililila, nu muizi binsania.

²¹Nsiamusanzide anga tamuizi bulili, tondo kubuno muizi, takuli buza bumozi bukutuka mu bulili.

²²Nazi uli muza, ndi ta wozo watuna buno Yesu nteli Klisto? wozo u musombi wa Klisto, watuna Isi nu Muana wage.

²³Na unsania watuna Muana wage nti nteli nelsi, nu unsania witabizia Muana, nti eli nelsi,

²⁴Nubo bumungule mukulinga buikala mumuli. Ndi bubo bumungule mukulinga buikala mumuli, nti muikale mu Muana wage, nu mulsi,

²⁵Lilino lili idagano liatulagile, u kalamo katanakuzinda.

²⁶Namusanzide bitondo bibino ku kabamba ka babo bekutunda kumuengelela.

²⁷Nuinyue, muambo wozo umuabongezibue nage uli mumuli, aba tamukuiyanina muntu amuigisie; tondo anga muambo wage wabegisia misagu za binsania, nu buli bulili, aba nu tabuza, nu anga buwamuigisizie buno muikale mueli.

²⁸Kano kaluma bana bane bakeke ikalazi mueli, aba gakamoneka, tube na ngini, nu tatube na nsoni kueli mu kuvua kuage.

²⁹Ndi muizi buno eli wisanana, menyazi buno muntu na muntu ukukitaga buisanana abutilue nage.