Read lega-mwenga 3 Yoana 1 Bible Online

3 Yoana 1 - lega-mwenga bible

3 Yoana 1

¹Mukulu, nkusanzila Gayo mutundua wane, unkutundaga mu bulili.

²Mutundua wane, nkukusengezia buno utananinue mu bitondo binsania nu ulunde anga bubo buakutananizia.

³Kubuno nabogilebogile nunse gavule mibuto zane nu balumbizie bulili bobe, buno ukuenda mu bulili.

⁴Nsili neingo mbogimbogi nnene zatinga zeno, kungua buno bana bane bekuenda mu bulili.

⁵Mutundua wane, mulimo wozo uli wa bukatizio, ukukitila mibuto zeitu nu bageni;

⁶bakulongekede lutundo luobe ku ekelezia; busoga kubakasia ku lugendo luabo anga bunasuagia Kalaga:

⁷kubuno ku kabamba keizina lilino batukile, tabakasua kena ku baBilongo.

⁸Umpanga buatutunganana kusambizia bantu anga babano, buno tube bakiti ba mulimo nabo ku bulili.

⁹Nasanzide ekelezia bitondo bibino; tondo Diotelepe ekutunda kuba mutangi kubeli, ntatusekela.

¹⁰Nu ndi navua, nti namusambalile misako zage zakukitaga, ekutubengaga na moki mabi, nu ntakulungana na bubo, nu wenyene ntakusekela mibuto zeitu, nu ekuzugilaga babo bekutunda kubasekela, nu nti abatikia mu ekelezia.

¹¹Mutundua wane, ntuyange bubi, tondo kita busoga. Wozo ukukita busoga eli na Kalaga; tondo wozo ukukitaga bubi nti ntamonine ku Kalaga.

¹²Demetelio alumbizibue na bantu bansania, aba nu bubo bulili: kububo nuisue tukumulumbia; nu wizi buno kulumbia kueitu kuli bulili.

¹³Nabezagile na bitondo bingi biakukusanzila, tondo nsikutunda kukusanzila na buino nu kiliyo:

¹⁴tondo nili na kilemanizio kia kukumonako, buno tutendane. Bubobelelo bube kuguli. Beida beitu bakusambizia. Sambizia beida beitu, muntu na muntu neizina liage.