Read lokele Luka 11 Bible Online

Luka 11 - lokele bible

Luka 11

¹Yesu ayaläkä nda elela ɛmɔi nda lisomboli; asiläk’Inde, ɔmɔi wa baeki bande loonga lande mbo— Ngɛnɛ, ekesaka iso ndosombola, kwa aekesäkä imɔ ko Yoane baeki bande.

²Inde loonga lau mbo— Akasombokolek’ino, waongaka mbo— Sango; lina liaɛ lilitesomoko, Bɔkɔta waɛ boyeke.

³Fak’iso louse bieka ya lise la lise,

⁴Mɛsɛlɛk’iso batwanelo basu, Eoka iso angɛnɛ tosomɛsɛlɛ batotina njasɔ ibe yau. Okɛsɛ̈k’iso nda lisoshela.

⁵Inde loonga lau mbo— Ndai wanu, eyala la wina, kɔkɛ end’inde la ɛsɔkɔ ya ocho okaonga lande mbo,

⁶Wina, faka’mi sumbu beila bisatɔ sɔmbya, eoka wina wami asoya nda lɔkɛndɔ loingala la iti la yeka yof’inde?

⁷Limɔ wina oyale nda ndakɔ koonga mbo— Ofëke’mi likati, bome bosokandomo yumwa la iso la bana bami toingali nde nda tange, itikɔkɔlɛ imɔ ndoemala la ndofaef’aɛ yeka.

⁸Imi mbo— Ango aitoemala ndof’inde bieka ko eoka mbo ayali wina lande, nde ko l’eoka ya bolïlïya wande, atoemala ndokaf’inde bitotina ebitoeno inde.

⁹Imi nd’atoonga lanu mbo— Felaka, limɔ bitofomo ino; lukaka limɔ ino koosha eyetoluk’ino; titaka limɔ bome kolioelomo ino.

¹⁰Eoka boto la boto oyatofela, inde kɔɔlɔ; oyatoluka, inde koosha; ende inde oyatotita, wao koliolomo.

¹¹¿Boni boto wanu, wana wande efel’inde boila, atof’inde litalɛ?

¹²Kwa efel’inde swi, inde kof’inde njɔ?

¹³Eokao, eyambo ino, bato abe oluwi ndofaefa bana banu bafi balau, nde simbi to Sango wanu oyayali nda Use, efaka Bolimo Botanu ende ebatofel’Inde.

¹⁴Lise limɔi Yesu akusoläkä bolimo wa euma la akuswäkä bolimo, limɔ boto wa euma loonga.

¹⁵Lamao bato lomwaala nde bamɔi loonga mbo— Atokusola belimo ebe ko la lisungi lia Balasebula, ako Bɔkɔta wa belimo ebe.

¹⁶Bato basi lokotel’Inde, iyo lofel’Inde mbo ɛnɛsɛk’iyo ndembe yosekwa nda Use.

¹⁷Yesu alembeeläkä baenyeli bau; Inde loonga lau mbo— Bato ba yese ɛmɔi ebatonana iyo angɛnɛ, bato ana batosɛɛsɛlɛsɛ yese; ko ongoma bokulü kokwesa bokulü angɛnɛ.

¹⁸¿Eya to mbo Satana imɔ kowesana l’ebande angɛnɛ, bɔkɔta wande kokɔkɔmɔ moni? Iongi nde ani eoka ino mbo isokusola belimo ebe ko l’isosha sha Balasebula.

¹⁹Eya mbo Imi nd’atokusola belimo ebe ko la Balasebula, bana banu nd’atokusola yao ko la ndai? Eokao, iyo batoyala nde bakomyi banu.

²⁰Nde, eyambo Imi nd’asokusola belimo ebe la isangakala sha Mungu, aambo Bɔkɔta wa Mungu bosoya tina lanu.

²¹Atolamba Bowangä wa engä mbo akukyeke likula liande la biɛla yande ya bita, limɔ bieto la biengo yande bisotekama teka;

²²Kongo ko atoya wasi wolongel’inde la bofoka, atokwesak’inde, atɔɔnɔkɔlɔk’inde biɛla la nguwa ebilendeluk’inde, inde kokaelaka findaka eyind’inde.

²³Oyatikɛndɛnɛ lami, inde ende wiyani lami; oyatisɔnjɛ lami, inde nd’atomelesa.

²⁴Bolimo wa lilo bosekwa to ende boto, wao atotandela bilela ebiti la balia okaluke fofe yolengela omao, kongo ko angotɛnɛ yao; inde koonga mbo— Itoinwa nda ndakɔ yami olo asekweliki’mi.

²⁵Akayek’inde omao, atoosha yao wase, esoombomo la esokomyomo.

²⁶Limɔ atɔkɛ okɔsɔ belimo osambale ebisoet’inde la obe, la iyo yaatotina kɔɔtɔkɔ ndakɔ okayalaka ina; limɔ boyaeli wa mbisa ya boto ona bosoetela ewa oso la bobe.

²⁷Aongäk’Inde baoi-ba, otomali oyayali nda ekuke loila limiki liande mbo— Limɛngɔ lifi liyala nde la sɔlɔ eyaotäk’Aɛ, la baɛlɛ ebamwesäk’Aɛ.

²⁸Nde Yesu loonga mbo— Eingo nde bende la limɛngɔ lioeta ebatooka Lioi lia Mungu la ebatokɔkɔmɛlɛ liao.

²⁹Asɔngɔkɔmɔ̈kɔ̈ bikuke yasi ya bato, Inde loakola ndoonga mbo— E-fɛtɔ-ye ende fɛtɔ ya obe, basokaluke ndembe ya ikesa, angwɛnɛ ango ɛmɔi kofomo iyo, sakolo ngo ko ndembe ya Yona.

³⁰Kwani ayaläkä Yona ndembe ende bato ba Ninewe, ko ongoma Wana wa Boto eyalaka ndembe ende bato ba e-fɛtɔ-ye.

³¹Bɔkɔta otomali wa yese ya Sheba atoemesana la e-fɛtɔ-ye nda lise lia Likomyi, la atof’iyo se, eoka asokwäkä olo nda liko lia wenda ndoyoka wɛlï wa Solomo, nde tɛnɛngɔ elolongeli Solomo ngo ko eyamaya.

³²Bato ba Ninewe batoemesana la bato ba e-fɛtɔ-ye yanu nda lise lia Likomyi, la iyo batof’ino se, eoka iyo nd’akalanganäkä eoka ya inangö sha Yona, nde tɛnɛngɔ elolongeli Yona ngo ko eyamaya.

³³Atoanesa boto täla, aitokasɛlɛ yao nda liöndo, kwa ose ya ɛɛngɔ kangä nda esolo, mbo ebatɔtɔ ndakɔ bɛnɛkɛ liamela lia yao.

³⁴Täla ya bindo ende liso, eokao liso liaɛ liyala fololo, bindo yaɛ bitotina bitoana swaa; nde ango liso liaɛ liyala libe, bindo yaɛ imɔ bitosɔlɔnɔ sɔlɛ̈ la lilima.

³⁵Tichaka to mbo liamela elile laɛ litayala ko lilima.

³⁶Eya ngo mbo bindo yaɛ bitotina bisoana swa, angwɛnɛ imɔ lilima ango sinyo, aambo yao bitoana kwani atoana täla eyoanes’aɛ la liamela lia twangakeli.

³⁷Aongäkä Yesu baoi-ba, BoFalusi ɔmɔi lofel’Inde mbo aleke bieka olo eyande; Inde lɔɔtɔ lande, Inde loyala se nda bieka.

³⁸Nde ɛnɛ̈kɛ̈ BoFalusi mbo Yesu atitasoole bindo oso wa bieka, inde lomwaala.

³⁹Nde Ngɛnɛ loonga lande mbo— Kwani ino BaFalusi otosoolaka lousa loa kɔpɔ la lɔfɛfɛ, kongo ko atiteni yanu etumi nde la bolole la lisiela.

⁴⁰Ino bibebe, ¿Oyakeläkä lousa, atikele imɔ ko atiteni lisanga?

⁴¹Takaelaka to ebile atiteni, limɔ wɛnɛkɛ mbo bitotina bit’imɔ la bokili end’ino.

⁴²Aeko wale end’ino BaFalusi, eoka ino otofaefa likaɔ lia botüku wa liu nda kasakasa ya lɔɛtɛ, kongo ko osounga ndola yoeta ya liengani la losamɔ loa Mungu; lole loanu ndokɔcha yao, ani ebimɔi imɔ biti yoomelomoko.

⁴³Aeko wale end’ino BaFalusi, eoka otolola kangala ya oso nda bisɔngɔmɛlɔ la ndolamokolomoko nda baöngo.

⁴⁴Aeko wale end’ino, eoka wende kwa kito ebitiɛnɛlɛ ebitomatakelomo la bato ebatilembeele yao.

⁴⁵Bosanokoli ɔmɔi wa Bikela lomutola la Yesu mbo— Boekesi, atoonga Aɛ ongoma, osochambola imɔ ko iso.

⁴⁶Yesu mbo— Aeko wäle end’ino Basanokoli ba Bikela imɔ, eoka ototolesa bato bekuku ebitookes’iyo bolito wäle, nde ino angɛnɛ angosung’iyo ango la isangakala simɔi shanu.

⁴⁷Aeko wäle end’ino, eoka otoswa tɔsɛɛlɛ toenyekela batɔndɔli, ani bangau banu nd’aoläk’iyo.

⁴⁸Nde ino osokulya eyakeläkä bangau banu la osoaolel’iyo; bangau baoläkä nd’iyo; ino ososwaka kito yau.

⁴⁹Eokao, Wɛlï wa Mungu loonga mbo— Itotomela bato la Batɔndɔli la Batomomu; beolaka nde bamɔi, bekongolaka nde bamɔi;

⁵⁰mbo bakila ba batɔndɔli batotina ebasondo-lomökö, konda baakoelo ba wenda, bakungameke ende eba fɛtɔ-ye;

⁵¹bako ko bakila ba Abela, ko bakila ba Sekalaya oyaseɛsɛlɛ̈kɛ̈ atiteni ya etambelo ya lifaefi la Ndakɔ ya Mungu; eingo ko, Imi mbo bafelomoko ende eba fɛtɔ-ye.

⁵²Aeko wäle end’ino Basanokoli ba Bikela, eoka osɔɔnɔkɔlɔkɔ lofungola loa liluwani; ino angɛnɛ otiaɔtɛ, la osokufesa imɔ ebakɔɔtɔ ina.

⁵³Asokwäk’Inde omao, Batikasa ka BaFalusi loakola ndosungamel’Inde la bofoka, iyo lofɔɔl’Inde mbo aongeke baoi wike,

⁵⁴ani iyo lolamba bao mbo baundeke lioi lia bɔnɔkɔ wande.