Read lokele Tomo Ya Batomomu 21 Bible Online

Tomo Ya Batomomu 21 - lokele bible

Tomo Ya Batomomu 21

¹Asɛnyanak’iso lau, iso lokwa nda watɔ wa lofofo okaila lɔkɛndɔ ko fii nda Kosa, limɔ lɛlɛngɔ iso loiyela Lode, okasokwa omao okakɛ nda Patala.

²Limɔ oshak’iso watɔ wɔkɛ nda Foinike, iso lokwa nda wao, iso loilia owale.

³Lamao ɛnɛk’iso bosanga wa Kupolio, iso lomacha wao nda bosamba wa wali, iso loeta okakɛ nda Sulia, iso loelama nda ngɔngɛ ya Tula, eoka watɔ wasaolomoko biengo ko omao.

⁴Oshak’iso baeki, iso loyala lau becho osambale la baeki ana loonga la Paulo ko la Bolimo mbo atakɛk’imɔ nda Yelusaleme.

⁵Nde asilaka bacho basu botikala, iso losokwa omao okaila lɔkɛndɔ, la baeki batotina amamwito la bali la bana bau, iyo loyatik’iso lousa loa bokenge; limɔ iso loswa balul se nda ngɔngɛ, iso losombola.

⁶Limɔ iso losenyana lau, iso lokwa nda watɔ nde iyo loinwa olo eyau.

⁷Asokwak’iso nda Tula, iso loila lɔkɛndɔ liasi, iso loiyela Petolemai, iso loseela beoto, iso loyala lau ko bocho ɔmɔi.

⁸Lɛlɛngɔ iso losokwa omao okakɛ nda Kaisalia. Omao iso lɔɔtɔ nda ndakɔ ya Filipo, ewa Bonangoli la ɔmɔi wa Basungi osambale, iso loyalaka lande.

⁹Inde aaka la baseka banɛi ebatɔndɔlɔkɔ.

¹⁰Umwak’iso omao bacho bamɔi, bɔtɔndɔli ɔmɔi ako Agabo wa Yudea loya,

¹¹inde loyaɔsɔ bɔkɔli wa Paulo, inde lokandaka bakolo la besamba yande angɛnɛ la wao, inde loonga mbo— Bolimo Botanu asoonga ani, mbo— Ko ongoma BaYuda batokandaka botolome oyale ngɛnɛ wa bɔkɔli-bo nda Yelusaleme, la batokɛs’inde ko nda besamba ya bato ba tukela yasi.

¹²Okak’iso la beoto omao, ebaoi-ba, iso lolɔmbɔkɔlɔ Paulo mbo ataɛk’imɔ nda Yelusaleme.

¹³Limɔ Paulo lomutola mbo— ¿Litina moni elitoleel’ino liosɛlɛ botema wami l’ibɛɛli ani? Imi nd’aengani nde, inga ko ndokandomo kongo, kangä ndowa imɔ nda Yelusaleme, ko l’eoka ya lina lia Ngɛnɛ Yesu.

¹⁴Eoka atikulie ndokufesomo, ongoma iso loyala tau, iso mbo— Lisangi lia Ngɛnɛ likelomoko!

¹⁵Mbisa ya bacho ana, iso lokomia lɔkɛndɔ, limɔ iso lɔkɛ ko nda Yelusaleme.

¹⁶Bamɔi ba baeki ba Kaisalia lɔkɛsɛnɛ lasu, iyo lokatik’iso nda ndakɔ ya Menasona wa Kupolio, ɔmɔi wa baeki ba oso, olo akayaleke iso.

¹⁷Iyak’iso nda Yelusaleme, beoto lonyangel’iso la limɛngɔ.

¹⁸Lɛlɛngɔ Paulo lɔɔtɔ amamwito lasu olo ende Yakobo ani Biange ya Etanda loyala imɔ ko omao.

¹⁹Aseelak’iso beoto, inde lokambes’iyo, tunya la tunya ya bitotina eyakelaka Mungu ende bato ba tukela yasi ko la tomo yande.

²⁰Okak’iyo mboli-bi, iyo loinela Mungu; iyo loonga lande mbo— Osoɛnɛ to, booto, aina bilɛfu ya BaYuda ebatoimela, la iyo yaatotina batolitesa Bikela la bofiili;

²¹la basoluwesomo loasɔ loaɛ mbo otoekekesa BaYuda ebatoyalaka la eba tukela yasi mbo bamacheke Bikela ya Mɔsɛ, la mbo batatena bana bau totombe la batatutaka biyaelo ya kwala.

²²¿Totokela to moni? Wewe, batokaka mbo osoya.

²³Eokao, wakela lona elosoonga iso laɛ. Tole la bato banɛi onomono ebasotinya ekanɔ,

²⁴Kɛndɛkɛ lau okasaesa iyo la bosalu amamwito laɛ angɛnɛ, kambelak’iyo bieto mbo bamwomoko swee ya otö, limɔ batotina batoluwa mbo ebisoluwesomo iyo loasɔ loaɛ biti to wewe, kangä mbo aɛ angɛnɛ wengani nde wolitesaka Bikela.

²⁵Kongo ko nda loasɔ loa bato ba tukela yasi ebasoimela, twatomelak’iyo lokasa la likomyi liasu mbo bakileke yeka ebisüchomoko ende mungu-ya-bɛfɔnɔ, la bakila, la nyama eyolomo la lokuwamelo loa kingo, la nyongo.

²⁶Ongoma Paulo lɔkɛ la bato ana la lɛlɛngɔ inde lokasaesaka iyo la bosalu, limɔ inde lɔɔtɔ nda Ndakɔ ya Mungu ndoluwesa mbo bacho ba ekanɔ yau basosila, la lisho elikatambomoko bafaefi ba oto la oto, liko mbisa ya bacho osambale.

²⁷Asambosilaka bacho osambale bana, BaYuda ebasokwaka nda yese ya Asia, ɛnɛkɛ̈ iyo Paulo nda Ndakɔ ya Mungu iyo loyombayombesa batotina ba ekuke, iyo lokusamel’inde la besamba yau,

²⁸iyo loamama mbo— Batolome ba Isalaele, sung’iso! Ale ko boto-yo oyatoekekesa bato nda wenda bototina mbo batefoleke BaYuda la Bikela la Ndakɔ-ye, la asoesha imɔ BaHela ono nda Ndakɔ ya Mungu; ongoma asobebesa elela-ye etanu.

²⁹Eoka batangaka mbo Paulo asɔɔtɛsɛ Tulofimo wa Efeso nda ndakɔ ya Mungu, oyɛnɛk’iyo wɛn’inde amamwito la Paulo nda okenge.

³⁰Ongoma bokenge bototina loyombayomba la bokamu losɔngɔkɔmɔ mangumangu, iyo loundesa Paulo, iyo losuliak’inde lousa loa Ndakɔ ya Mungu; limɔ lisasaya biome bifi ya Ndakɔ loliakomo.

³¹Akotaka iyo ndoola Paulo, wɛndi lɔkɛ ende Komanda wa basilikani mbo bokenge bototina wa Yelusaleme bososwana bosho.

³²Lisasaya inde lɔɔsɔ basilikani la betoli oso yau, inde lɔkɛ lau mangu ende eba Paulo. Limɔ ɛnɛk’iyo Komanda la basilikani, iyo lomacha ndokuchaka Paulo.

³³Lamao, ayaka Komanda tina, inde loundesa Paulo, inde lotoma bato bande mbo bakandeke Paulo la bɛnyɔlɔlɔ bimbale, limɔ inde lofela mbo— ¿Ende to ndai? ¿End’iye eyekel’inde?

³⁴Kongo ko bamɔi ba ekuke loamama lioi limɔi, basi nde lioi liasi, ongoma inde angokɔkɔlɔ ndoluwa loasɔ chaa eoka ya bosho, inde loonga la basilikani mbo bakɛsɛkɛ Paulo nda ndakɔ ya basilikani.

³⁵Iyak’inde nda kili, Paulo lotolomo la basilikani eoka ya bolengi wa limbilititi,

³⁶la eoka mbo bokamu wa bato lotutak’inde ani iyo loamama mbo— Sokola inde, bola!

³⁷Asambokɛsɔmɔkɔ Paulo nda ndakɔ ya basilikani, inde loonga la Komanda mbo— ¿Yongeke sumbu laɛ? Komanda mbo— ¿Oluwi nde lioi lia BaHela?

³⁸¿Oti ango ewa Ejipeto oyayombayombesaka bato nda mwaka wa oso la oyakɛndɛkɛ la baoni bilefu binɛi nda liɔmbɛlɛ?

³⁹Paulo loonga mbo— Imi yende boto wa BaYuda, wa bokenge boko Talusu nda yese ya Kilikia; yende wa bokenge wa lokuku. Itoomb’aɛ mbo omacheke sumbu imi yongeke la e-bato-ba.

⁴⁰Afomoko Paulo isosha, inde loemala nda kili, inde lɔfɛfɛlɛ bato bosamba, lamao ayalak’iyo ko hai, inde loonga lau nda lioi lia BaYuda—