Read lokele Tomo Ya Batomomu 22 Bible Online

Tomo Ya Batomomu 22 - lokele bible

Tomo Ya Batomomu 22

¹mbo— Beoto la Batata, okaka kwani sumbu inango shami shotungelesa liwanjeli lianu.

²Okak’iyo mbo atoonga lau nda lioi lia BaYuda, iyo loyala hai ko bii.

³Paulo mbo— Imi yende otolome wa BaYuda, yaotomokö nda Talusu nda yese ya Kilikia, nde yakɔswaka ono nda bokenge-bo, nda bakolo ba Ngamaliele, yaekesomokö Bikela ya batata basu hɛlɛ, yende la bofiili finɛ nda njasɔ ya Mungu kwa ayali imɔ ko ino yaatotina louse.

⁴Yakongolaka eba liimeli-li konda lioli lia bato, yakandaka la yatomaka nda bɔnyɔlɔlɔ la batolome la batomali lisanga;

⁵Kanga eyeti la biange bitotina baluwi nde loasɔ-lo loami mbo wewe, eoka yaɔlɔkɔ kasa y’isosha ende beoto bako BaYuda nda Damaseke la yakɛkɛ ko omao okaundesa ebayalaka omao la okaya lau nda bɛnyɔlɔlɔ nda Yelusaleme mbo bakuchomoko.

⁶Nde aɛkɛ’mi lɔkɛndɔ lona, la iyaka’mi tina la Damaseke la ifitika, liangangi lifi lia use loangangela’mi, imi lokwa se kwu nda nyɛlɛ;

⁷imi looka limiki elitoonga lami mbo— ¿Saulo, Saulo, otokongokola’mi monito?

⁸Limɔ imi lomutola mbo— ¿Bwana, wende to ndai? Inde loonga lami mbo— Imi yende Yesu wa Nasaleta oyatokongolomo laɛ.

⁹Nde bato ebayalaka lami bɛnɛkɛ liangangi, kongo ko batiokaka limiki lia oyaongaka lami.

¹⁰Imi loonga mbo— ¿Ikeleke to moni, Bwana? Ngɛnɛ loonga lami mbo— Emalaka, kɛndɛkɛ nda Damaseke, limɔ aɛ kokambesomo loasɔ loa bitotina ebisokomielomo aɛ yokela.

¹¹Ongoma itiakɔkɔlɔkɔ ndwɛnɛ eoka ya liangangi lia tɔngɛlingɛli, eokao ebayalaka lami loundaka’mi bosamba, imi loiya nda Dameseke.

¹²Boto ɔmɔi ako Anania, boto oyasemolaka Mungu kwa asoonga Bikela, boto wa lokuku lolau ende BaYuda batotina ebayali nda okenge ona,

¹³inde loya ende’mi la aemalak’inde tina, inde loonga lami mbo— Booto Saulo, ɔlɔkɔ liɛni liaɛ liasi! Ko la mbile-ao imi loila baiso likolo la imi lɔɛnɛ inde.

¹⁴Limɔ inde loonga lami mbo— Mungu wa batata basu loaa aɛ mbo oluweke lisangi liande la mbo wɛnɛkɛ Wengani la mbo wokeke lioi lia bɔnɔkɔ wande angɛnɛ;

¹⁵eoka boyalaka boekï wande ende balomboki batotina nda yao bitotina ebisɔɛnɛ la ebisok’aɛ.

¹⁶¿Kwani, okoumbakela to iye? Emalaka, lufiomoko, soolomoko batwanelo baɛ, ani otosingwa lina liande liko Yesu.

¹⁷Ainwaka’mi nda Yelusaleme la asombolaka’mi nda Ndakɔ ya Mungu, imi lokwa ilɔ shoɛnɛ liɛnɛ,

¹⁸imi lɔɛnɛ Inde ani atoonga lami mbo— Endesa, sokwaka lisasaya nda Yelusaleme, eoka baitokulia inango shaɛ loasɔ loami.

¹⁹Imi loonga mbo— Ngɛnɛ, simbi to iyo nd’aluwi imi nd’akuchaka ebaimelak’Aɛ la mbo yakandak’iyo bɔnyɔlɔlɔ ko ndoetaka ɛsɔngɔmɛlɔ la ɛsɔngɔmɛlɔ.

²⁰Limɔ asondwesak’iyo bakila ba bonangoli waɛ ako Setefano, imi angɛnɛ nd’aemali omao ndokulia la ndotingana la bisinda ya ebolak’inde.

²¹Nde Yesu loonga lami mbo— Kɛndɛkɛ, itotoma nde aɛ ko esika ende bato ba tukela yasi.

²²Ko nd’asoonga Paulo lioi-li bato lolaila inango, limɔ iyo loama likama mbo— Sokola bɔfɔnɔ-bo wa oto nda wenda, lotiengane mbo atikaleke la liwawi ono!

²³Iyo loamama, iyo loumbokola bisinda yau, iyo lokushaka liunge nda use;

²⁴limɔ Komanda lota ndola mbo baɔtɛsɛkɛ Paulo nda ndakɔ ya basilikani, inde loonga mbo bakɔtɔlɛk’inde ko la liomi lia sikɔtɛ mbo aluweke litina elisoamamel’iyo wamamela Paulo.

²⁵Nde akandomoko inde la bekulu, Paulo loonga la bosilikani oyaemali tina mbo— ¿Engani nde lanu ndoomaka boto sikɔtɛ oyale iote sha Loma l’ani akafomu se la wati?

²⁶Okaka bosilikani e-lioi-li, inde lɔkɛ okakambesa Komanda, inde mbo— ¿Osambokela nde moni? E-boto-yo ende iote sha Loma.

²⁷Limɔ Komanda loya oyaonga la Paulo mbo— Ongaka lami, wende to iote sha Loma? Paulo mbo— Eingo!

²⁸Komanda lomutola mbo— Imi nd’asombaka isosha sha iote ko la loketi lofi. Nde Paulo mbo— Imi nd’aotomoko ko iote.

²⁹Kwaamao ebasiakoomak’inde sikɔtɛ, iyo lot’inde se; la Komanda imɔ lokwelo bɔwa ani aluwak’inde mbo Paulo ale iote sha Loma la mbo asokandak’inde.

³⁰Nde lɛlɛngɔ eoka Komanda alɛmbɛkɛ ndoluwaka fololo litina lia liwanjeli lia BaYuda owanjela Paulo, inde lofaikol’inde, inde lotela kanga ebieti la ikumbɛ sha BaYuda lioi mbo basɔngɔmɛkɛ, limɔ inde loesha Paulo, inde loemes’inde oso wau.