Read lokele Baloma 16 Bible Online

Baloma 16 - lokele bible

Baloma 16

¹Itoomb’ino ndonyangela welo wasu, bosungi otomali wa Etanda, ako Foibe wa Kenekelea oyasoya end’ino la lokasa-lo.

²Nyangelak’inde ko eoka ya Ngɛnɛ la bonyangeli woengana eba Etanda, la sungak’inde la bitotina ebikayaleke’inde la boeno eoka inde angɛnɛ ayali nde bosungi bolau wa bato wike lami imɔ lisanga.

³Seelaka Pulisika la Akwila, bakuwakani lami nda tomo ya Masiya Yesu,

⁴ebasikiotenomo kingo loasɔ loami, eokao lami la eba Etanda nda tukela yasi bitotina, tosofaef’iyo kelekëlë finɛ;

⁵seelak’imɔ ko eba Etanda omolo nda ndakɔ yau. Seelaka imɔ Epeneto oyasamomu lami la oyayalaka ewa oso wokalangana nda yese ya Asia nda njasɔ ya Masiya.

⁶Seelaka Malia oyasokuwel’ino la likuwa lifi.

⁷Seelaka Andeloniko la Yunia eba bofindi wasu l’ebakandomoko amamwito lami nda bɔnyɔlɔlɔ ebale la lokuku sisi ya Batomomu la ebaaka eba Masiya oso wami.

⁸Seelaka Ampuliato oyasamomu lami la losamɔ loa Ngɛnɛ wasu.

⁹Seelaka Ulabano bokuwani lami nda tomo ya Masiya, la Sitaku oyasamomu lami.

¹⁰Seelaka Apele oyakuliomu nda likuwa lia Masiya, la seelaka eba bofindi wa Alistobulo.

¹¹Seelaka Helodione wa bofindi wami. Seelaka eba Ngɛnɛ Yesu ba bofindi wa Nalekiso.

¹²Seelaka Tulufina la Tulufosa ebatokuwekela Ngɛnɛ. Seelaka Pelusi botomali bosamomu oyatokuwela Ngɛnɛ la bofiili.

¹³Seelaka Lufo boto olau wa Ngɛnɛ la nyango wande oyale imɔ kwa nyango ende’mi.

¹⁴Seelaka Asunkilito la Felengona la Helemese la Pateloba la Helema la bitungani yau ebile omao.

¹⁵Seelaka Filolongo la Yulia Neleo la welo wande, la Olumpa la batotina ebüchomu ebale amamwito lau.

¹⁶Lamolanaka la tɔchɔu etüchomu ende eba Etanda kongo; bitanda bitoti ya Masiya bitoseela ino.

¹⁷Bitungani yami, isolɔmbɔkɔl’ino ndwɛnɛkɛ sumbu ebatofɔɔkɔlɔ liwesani l’ebatokufesa lɔkɛndɔ loa eba Etanda mbo batakɛkɛ fii nda yao ebiaekesomökö ino; engwaki bato ana.

¹⁸Bato ba bɔfɔɔnɔ-bo baitolitesa Masiya Ngɛnɛ wasu nda likuwa liande, kangä ko sɔlɔ yau angɛnɛ; baoi bau ba ngwasu la bɔlɛtɛlɛtɛ batolimbaka betema ya eba ndundu.

¹⁹Lokuku loa lilitesi lianu losofafana ende batotina, eokao isoomala to loasɔ loanu, kongo ko ilɛmbi ino ndoyala la wɛlï finɛ nda njasɔ bilau la esaela nda njasɔ bibe.

²⁰Limɔ Mungu Ngɛnɛ wa lilatemi atomatekela Satana mate lisasaya ose ya batindi banu. Booto wa Yesu Masiya, Ngɛnɛ wasu, boyalakeke lanu!

²¹Timoteo bokuwani lami, asoseel’ino imɔ ko Lukia la Yasona la Sɔpatulo ba bofindi wami basoseel’ino.

²²Imi Teleteo oyasɔni lokasa-lo itoseel’ino la losamɔ loa Ngɛnɛ wasu.

²³Gaiyo oyasofa’mi ndakɔ la eba Etanda batotina, basoseel’ino. Elaseto botingani wa bieto ya bokenge-bo la Kulato etungani yasu basoseel’ino.

²⁵Tala end’Inde to oyasokɔkɔlɔ ndokɔkɔmɛsɛ ino kɔkɛ ko la lilendelu lia Mboli Ilau ebisonangola’mi, biko wɛndi wa Yesu Masiya, wao bole lɔɛnɛsɔ loa njasɔ eyaisamaka la ebitiaongomökö kwalakwala,

²⁶nde kwani bisoisolomo ko la baoi ebataka batɔndɔli la bisoluwesomo kwani ende bato ba wenda bototina ko la isosha sha Mungu wa lokato, ko mbo baliteseke yao ko la lilendelu,

²⁷tala to ende Mungu, Inde kongo Ngɛnɛ wa wɛlï, ko l’eoka ya Yesu Masiya tala ko layalaya. Ongoma.