Read lokele 1 Bakolinto 16 Bible Online

1 Bakolinto 16 - lokele bible

1 Bakolinto 16

¹Nda loasɔ loa lifaefi liokɛsɔmɔ ende eba Etanda ebale la boeno, kwa asokambesa’mi okambesa bitanda ya Galatia, ino imɔ kelaka ko ongoma.

²Lise lia oso lia yenga, boto la boto wanu, ücheke likaɔ lia bondanda ebosɔɔl’inde ndokukia liao mbo lifaefi litasɔnjɔkɔmɔ nda mbile eyekayeke’mi.

³Limɔ akayeke’mi end’ino, itotoma lifaefi lianu lia booto nda Yelusaleme ko la besamba ya bato ebatosɔn’ino baina nda lokasa.

⁴Eya to mbo loengana lami angɛnɛ ndɔkɛ la liao, limɔ iyo kɔkɛsɛnɛ amamwito lami.

⁵Itoya end’ino fɛtɛti ani akaeteke’mi nda yese ya Makedonia eoka isosanga oeta nda Makedonia,

⁶nde eluwa imi koyala lanu sumbu, ango ko la tengai ya bɔfɛfyɔ, limɔ ino nd’atokɔkɔlɔ ndokatika’mi olo akaɛkɛ’mi.

⁷Itilɛmbɛ ndoya ko fɛtɛti kongo, nde Ngɛnɛ ekulia, iyɛli shami sile mbo itikaleke lanu mbile sumbu yumwa.

⁸Nde itoyalaka nda Efeso ko nda Elambɔ ya Pentekosete,

⁹eoka bome wa fofe ya likuwa bosoliolomo fololo oso wami, la ebalɛmbi ndokufesela’mi bende wike.

¹⁰Akayeke Timoteo end’ino, tinganaka mbo batawänges’inde ani atoyala inde lanu, eoka inde atokelaka likuwa lia Ngɛnɛ kwa atokelak’imɔ ko’mi.

¹¹Eokao boto atasɛɔlɛk’inde, nde kɛsɛk’inde lɔkɛndɔ ko la lilatemi mbo ainyweke end’mi; eoka itotaumbakela inde amamwito la beoto ya Etanda.

¹²Nda loasɔ loa etungani yasu ako Apolo, isolɔmbɔkɔl’inde balɔmbɔkɔlɔ wike mbo ayeke amamwito la bitungani ebitoya end’ino, kongo ko atisangeke ndoya ko kwani, nde eyaka oko ani akɛnɛk’inde fofe.

¹³Lambaka bitungani, kɔkɔmɔkɔ nda liimeli, wangemaka la bofoka kwa batolome baoku!

¹⁴Nde bitotina yanu bikelomoko ko la losamɔ nda betema yanu.

¹⁵Oluwi nde bato ba bofindi wa Setefano mbo baaka eba Etanda ba oso nda Akaya, la mbo iyo angɛnɛ basoundaka likuwa liosungaka eba Etanda;

¹⁶la isolɔmbɔkɔl’ino bitungani mbo oliteseke bato ana la basi imɔ ba bɔfɔnɔ-bo la batotina ebatosungana lasu nda bakuwa bawau-ba.

¹⁷Yende la limɛngɔ finɛ mbo Setefana la Folotunato la Akaiko basoya eoka basosilesa boeno wami wɛnɛ ino,

¹⁸la basoyaimwesa to botema wami la eyanu betema lisanga; luwanaka to la bato ba bɔfɔnɔ-bo.

¹⁹Eba Bitanda nda Asia basoseel’ino la losamɔ loa Ngɛnɛ, la Akwila la Pulisika imɔ ko la bato b’Etanda ebatosɔngɔmɔ nda ndakɔ yau basoseel’ino.

²⁰Bitungani bitotina ono batoseel’ino; lamolanaka la tɔchɔu etüchomu end’eba Etanda.

²¹Liseeli-li lisɔnɔmu la bosamba wami angɛnɛ ako Paulo.

²²Eya to boto atisame Ngɛnɛ, oyo asendomoko! Ngɛnɛ wasu atoya!

²³Booto wa Ngɛnɛ wasu boyalakeke lanu!

²⁴Losamɔ loami loa Masiya loyaleke lanu batotina.