Read lokele 2 Bakolinto 2 Bible Online

2 Bakolinto 2 - lokele bible

2 Bakolinto 2

¹Yasangaka to mbo imi angoya imɔ end’ino ndokes’ino botema wale liasi.

²¿Yokes’ino botema wale, ndai to komalesaka’mi liasi sakolo ngo inde angɛnɛ oyasokesomoko wale ko lami?

³Eokao isotomel’ino lokasa mbo akayeke’mi itaoka botema wale loasɔ loa bato ebasokɔkɔlɔ ndokesa’mi limɛngɔ; yaimelaka loasɔ loanu yaatotina mbo limɛngɔ eliami lile imɔ ko limɛngɔ lianu.

⁴Yasɔnɛlɛk’ino lokasa la efembi la botema wale finɛ la foo wike imɔ, inga to mbo yokesek’imɔ ko ino botema wale, kangä ndoluwes’ino losamɔ lofi finɛ eloami end’ino.

⁵Eya to mbo boto ɔmɔi asokes’iso botema wale, atiokese ko imi angɛnɛ kongo, kangä ino batotina sumbu, mbo itakɛsɛ loasɔ la oso.

⁶Likuchi elisokuchomo lande ko lanu batotina, lisoengana to lande,

⁷lole loanu to ndomɛsɛl’inde la ndɔɔnjɔnj’inde mbo atalongomo la ikɛnɛnɛ sifi.

⁸Eokao isoombel’ino mbo okɔkɔmɛsɛkɛ losamɔ loanu end’inde liasi,

⁹eoka ko la litina-li imi losɔnɛl’ino lokasa-lo mbo ikɔtɔlɛk’ino kwa mbo wende la lilitesi nda njasɔ bitotina.

¹⁰Bomɛsɛlɛ asisa loasɔ, imi imɔ komɛsɛlɛ inde; la oyasomɛsɛlɔmɔ lanu, asomɛsɛlɔmɔ imɔ ko lami ko l’eoka yanu nda baiso ba Masiya,

¹¹mbo totafa Satana fofe yolong’iso; eoka totiunge shɔngɔlɔ shande.

¹²Aɛkɛ’mi nda Tuloa ndokanangokola Mboli Ilau ya Masiya, bome wa fofe ya likuwa bosolioelomo’mi loasɔ loa Ngɛnɛ;

¹³kongo ko botema wami botiae se eoka itiɛnɛkɛ etungani ako Tito. Eokao asɛnyanaka’mi la bato b’omao, imi lɔkɛ nda Makedonia.

¹⁴Nde kelekele ende Mungu oyatokɛsɛkɛnɛ lasu mbile bitotina nda bolenga wa bowangɔ ko la Masiya la oyatofafanesa liluwani lia njasɔ yande ko lasu nda bilela bitotina kwa atofafana liɛsɛ lilau.

¹⁵Twende to liɛsɛ elisofecha Masiya ofechela Mungu la elisoeolaka ebasouwekesomo la ebasosɛɛsɛlɛk’imɔ;

¹⁶ende ebasosɛɛsɛlɛ, kwa liɛsɛ lia liwa liokɛsɛnɛ lau nda liwa, kongo ko ende eba liuwesi, liɛsɛ lia liwawi liokɛsɛnɛ lau nda loiko. ¿Ndai to atoengana ndokɛsɛnɛ nda bolenga-bo?

¹⁷Toti to kwa ayali wike, ebatokɛndɛkɛndɛ bokalala wa Lioi lia Mungu, kongo ko twende ebatonangola amamwito la Masiya ko la momongo kwa ebatoyala oso wa baiso ba Mungu.