Read lokele Bakolose 4 Bible Online

Bakolose 4 - lokele bible

Bakolose 4

¹Ino bangɛnɛ, keelaka bɛkɔwa yanu la liengani la olau, osoluwa to mbo ino imɔ wende la Ngɛnɛ nda Use.

²Sombokolaka la bofiili, lambakaka la botengu imɔ amamwito la kelekele ende Mungu,

³somboelak’imɔ ko iso mbo Mungu alioelek’iso bome wa linangoli lia lioi lia ebisoisolomo ya Masiya, oyakandelomu’mi bɔnyɔlɔlɔ,

⁴mbo isanoleke yao fololo kwa engani nde lami ndoonga.

⁵Yalakaka la boyaeli wa wɛlï ende ebati b’Etanda, wetesëke fofe yoluwesa basi Mboli Ilau;

⁶la baoi banu bayalakeke mbile bitotina la bootaota, la loendo kwa loao loa bokwa nda bieka, mbo oluweke ndomutoela boto la boto la lioi lioengana lande.

⁷Tukiko, etungani oyasamomu lasu, atoluwes’ino njasɔ yami bitotina; ale bosungi wa lotimbana la bokuwani lami nda likuwa lia Ngɛnɛ wasu;

⁸la isotom’inde end’ino ko la litina-li, mbo oluweke ani ayali njasɔ yasu, la mbo afumbeseke betema yanu.

⁹Amamwito lande, isotoma imɔ Onesimo etungani oyasamomu lasu la oyale la lotimbana, ale ɔmɔi wanu angɛnɛ; beluwesak’ino njasɔ bitotina ebisokelomo ono.

¹⁰Alisitaluka oyale amamwito lami nda bɔnyɔlɔlɔ, asoseel’ino la Malako imɔ ako wana wa tata ya Balanaba; wafomoko bakakanelo loasɔ loande, eya end’ino, ino konyangel’inde eyanu.

¹¹Yoswa imɔ oyatangomu Yuseto asoseel’ino; ebato-ba kongo, ba ebatenyi itombe basungani nde lami nda Bɔkɔta wa Mungu la basosucha’mi la lisungi liau.

¹²Ɔmɔi wanu angɛnɛ ako Epafula, asoseel’ino, ale bɔkɔwa wa Masiya Yesu la atosombokoel’ino la bonui mbo okɔkɔmɛkɛ kɔkɛ ndokɔchaka lisangi litotina lia Mungu.

¹³Isoaola la wewe oso wanu mbo asokuwel’ino la bonui finɛ, la eoka ya eba Laodikiya la Hiyelopoli lisanga.

¹⁴Luka, bonganga bosamomu lasu asoseel’ino, la Dema imɔ ko ongoma.

¹⁵Seelaka bitungani bitotina nda bokenge wa Laodikiya, la Numfa l’eba Etanda ebatosɔngɔkɔmɔ omolo nda ndakɔ yande.

¹⁶Akatangomoko lokasa-lo end’ino, kɛsɛkɛ loao ende Etanda nda Laodikiya mbo batangek’imɔ ko loao, la ɔsɔkɔ imɔ ko eloa Laodikiya mbo ino otangeke loao.

¹⁷La ongaka la Alikipo mbo— Tichaka to likuwa elisofomo aɛ eoka ya Ngɛnɛ wasu, mbo ɔlɔlɛkɛ liao la wɛlï.

¹⁸Liseeli-li lile ko la bosamba wami angɛnɛ ako Paulo, enyakelaka mbo ikandomu nde bɔnyɔlɔlɔ. Booto boyaleke lanu!