Read lubukusu Lir. 36 Bible Online

Lir. 36 - lubukusu bible

Lir. 36

¹Lino nilio lisaaye lia Esau (niye Edomu).

² Esau ayila bakhaana Bakanaani babe bakhasi bewe. Ada, omukhaana owa Eloni, Omuhiti, Oholibama, omukhaana owa Ana, okhwa[51] Sibeoni, Omuhibi

³ ne Basemati, omukhaana owa Ishimaeli, omukooko owa Nabayoti.

⁴Ada asaalila Esau Elifasi, Basemati asaala Reueli,

⁵ne Oholibama asaala Yeushi, Yalamu ne Kora. Bano nibo ba okhwa Esau nibo asaalila mu sibala sia Kanaani.

⁶Esau abukula bakhasi bewe, babaana bewe be sisoleeli ne siikhaana nende be munju mwewe boosi, chikhaafu ne bibiaayo, bibiindu nibio aba ne anyoolile mu sibala sia Kanaani, mala auuya acha mu sibala sisiindi, aleeyi khukhwama khu Yakobo wandaaye.

⁷Auuya sikila niye ne wandaaye baba ne kimiaandu kimikali mala kamaayilwe kaboomba mu sibala nisio bamenyangamo nga baakwa.

⁸Nio Esau amenya Seiri, mu sibala sie bikulu (Esau niye Edomu).

⁹Lino lili lisaaye lia Esau kuuka owe Baedomu mu Seiri, sibala sie bikulu.

¹⁰Kano kali kamasina ke babaana ba Esau: Elifasi, omwana owa Ada, mukha Esau, Reueli omwana owa Basemati mukha Esau.

¹¹Ba okhwa Elifasi baba Temani, Omari, Sefo, Katamu ne Kenasi.

¹²(Timuna aaba omukhasi niye Elifasi okhwa Esau aamenyia busa nga omusaale. Timuna asaala Amaleki khu Elifasi). Bano nibo babaana ba Ada mukha Esau.

¹³Bano nibo ba okhwa Reueli: Nahati, Sera, Siama ne Misa. Bano nibo babaana ba Basemati mukha Esau.

¹⁴Bano nibo babaana ba Oholibama omukhaana owa Ana, okhwa Sibeoni mukha Esau: Yeushi, Yalamu ne Kora.

¹⁵Bano nibo bakasa be babaana ba Esau. Babaana ba Elifasi, omubele owa Esau, baaba Temani, Omari, Sefo, Kenasi,

¹⁶Kora, Katamu ne Amaleki, abano nibo bakasa babaama khu Elifasi mu sibala sia Edomu, babaana ba Ada.

¹⁷Bano nibo ba okhwa Reueli, okhwa Esau: omukasa Nahati, Sera, Siama ne Misa. Bano nibo bakasa babaakukha khu Reueli mu sibala sie Edomu, baba babaana ba Basemati mukha Esau.

¹⁸Bano nibo bakasa babaama khu Oholibama mukha Esau, omukhaana owa Ana, Yeushi, Yalamu, ne Kora,

¹⁹Bano nibo ba okhwa Esau (niye Edomu) ne bano nibo bakasa babwe.

²⁰Bano nibo ba okhwa Seiri Omuhori, babamenya mu sibala sia Edomu: Lotani, Siobali, Sibeoni, Ana,

²¹Dishoni, Eseri ne Tishani, bano bali bakasa be Bahori, ba okhwa Seiri mu sibala sie Edomu.

²²Ba okhwa Lotani baba Hori ne Hemani, ne Timuna aba omukooko owa Lotani.

²³Bano nibo ba okhwa Siobali: Alibani, Manahati, Ebali, Shefo ne Onamu.

²⁴Bano nibo ba okhwa Sibeoni: Aya ne Ana. Ana yuno niye owanyoola chisebele che kameechi kamabile mu sichiimi nga aba ne aaya chipunda cha Sibeoni, raraawe.

²⁵Bano nibo babaana ba Ana: Dishoni, ne omukhaana bali Oholibama.

²⁶Bano nibo ba okhwa Dishoni: Hemutani, Esibani, Itirani ne Kerani.

²⁷Bano nibo ba okhwa Eseri: Biliani, Saabani ne Akani.

²⁸Bano nibo ba okhwa Tishani: Usi ne Arani.

²⁹Bano nibo bakasa babaakukha khu Bahori: Lotani, Siobali, Sibeoni, Ana,

³⁰Dishoni, Eseri ne Tishani, bano nibo bakasa babaama khu Bahori khuloondekhana ne kimiliango kiabwe mu sibala sia Seiri.

³¹Bano nibo babaami babamia mu sibala sia Edomu, ebweeni, omwami yesi yesi ne akhamiiakho khu Baisiraeli tawe.

³²Bela okhwa Beori, amiia mu Edomu. Lukoba lwewe lwaba Tinihaba.

³³Bela afwa, mala Yobabu, okhwa Sera owa Bosira amiia mu bweyaangu bwewe.

³⁴Yobabu afwa, mala Husiamu owe mu sibala sia Batemani, amiia mu bweyaangu bwewe.

³⁵Husiamu afwa, mala Hatati okhwa Betati, owaula Midiani mu sibala sia Moabu, amiia mu bweyaangu bwewe. Lisina lie lukoba lwewe lwaba Abiti.

³⁶Hatati afwa, mala Samula owe Masireka amiia mu bweyaangu bwewe.

³⁷Samula afwa mala Shauli, owe Rehoboti, khu luuchi lwa Efurati, amiia mu bweyaangu bwewe.

³⁸Shauli afwa mala Baali-hanani, okhwa Akibori amiia mu bweyaangu bwewe.

³⁹Baali-hanani, okhwa Akibori afwa, mala Hatari amiia mu bweyaangu bwewe. Lisina lie lukoba lwewe liaba Pau ne lisina lio omukhasi wewe liaba Meotabeli, omukhaana owa Matureti, omukhaana owa Mesahabu.

⁴⁰Akano kali kamasina ke bakasa ba Esau khuloondekhana ne kimiliango kiabwe ne abuundu niio bamenya, ne kamasina kabwe: Bakasa Timuna, Aliba, Yateti,

⁴¹Oholibama, Ela, Pinoni,

⁴²Kenasi, Temani, Mibisari,

⁴³Makitieli ne Iramu. Abano nibo bakasa ba Edomu (niye Esau raraawe owa Edomu) khuloondekhana ne abuundu niio bamenya mu sibala siabwe.