Read lubukusu 1 Ke Ch. 2 Bible Online

1 Ke Ch. 2 - lubukusu bible

1 Ke Ch. 2

¹Bano nibo ba okhwa Yakobo: Rubeni, Simioni, Lawi, Yuda, Isakari, Sebuluni.

²Dani, Yosefu, Benjamini, Nafutali, Kati ne Asheri.

³Bano nibo basoleeli nibo Yuda asaala, Eri, Onani ne Shela. Bano nibo omukhasi wewe Batishua omukanaani amusaalila. Omusoleeli wewe Eri aba omumayaanu lukali mala Wele Omunyali Owa Bioosi amwiira.

⁴Mu mukhaana wewe Tamari, ngwa walimusaani Eri, Yuda amusaalamo basoleeli babaandi babili, Peresi ne Sera.

⁵Peresi aba ne babaana bewe basoleeli babili: Hesironi ne Hamuli.

⁶Wandaaye Sera aba ne babaana basoleeli baraano: Simuri, Etani, Hemani, Kalikoli ne Tara.

⁷ Akani[2] okhwa Karimu, anaania Isiraeli khulwe khukhola butinyu bwe khubukula bibiindu bitakatifu.

⁸Omwana owa Etani aba bali Asaria.

⁹Hesironi aba ne basoleeli bataru: Yeraimeeli, Ramu, ne Kelubai.

¹⁰Rama aaba raraawe owa Aminatabu, ne Aminatabu aaba raraawe owa Nasioni, Nasioni aba omwimeelesi we babaandu ba Yuda.

¹¹Nasioni aaba raraawe owa Salima, Salima aaba raraawe owa Boasi.

¹²Boasi aaba raraawe owa Obeti, Obeti aaba raraawe owa Chesi.

¹³Chesi aba ne basoleeli saba: omubele aba Eliabu oloondakho aba Abinatabu, owa khataru aba Simea.

¹⁴Owa khane aba Netaneli owa kharaano aba Ratai,

¹⁵owa sita aba Osemu, owa saba aba Daudi.

¹⁶Akhaba lundi aba ne bakhaana babili Seruya ne Abikaili. Seruya omukhaana owa Chesi aba ne basoleeli bataru, Abisai, Yoabu ne Asaeli.

¹⁷Abikaili aaba mukha Amasa okhwa Yeteri owe lisaaye lia Ishimaeli.

¹⁸Kalebu okhwa Hesironi aba ne bakhasi babili, Asuba ne Yerioti. Asuba asaalila Kalebu basoleeli bataru: Yesieri, Sobabu ne Aritoni.

¹⁹Nga Asuba ne afwa, Kalebu areera omukhasi okundi bali Efurati mala basaala omwana omusoleeli bali Huri.

²⁰Huri aaba raraawe owa Uri ne Uri aaba raraawe owa Basaleli.

²¹Hesironi ne ali bukhulu bwe kimiiko kamakhumi sita, akhwa omukhaana owa Makiri. Makiri aaba raraawe owa Kileati. Hesironi aaba ne omukooko owa Makiri basaala omwana omusoleeli bali Sekubu.

²²Ne Sekubu aaba raraawe owa Yairi. Yairi amiia[3] chingoba kamakhumi kabili na chitaru mu sibala sia Kileati.

²³Ne Keshuri ne Aramu baamba Hafoti-yairi, sitube ne Kenati ne birekere bia Yairi. Ne chingoba kamakhumi sita. Lino lioosi liaba lisaaye lia Makiri raraawe owa Kileati.

²⁴Enyuma we lifwa lia Hesironi, omusoleeli wewe Kalebu ela khu Efurati owaba mukha raraawe. Asaalamo omwana omusoleeli bali Ashihuri raraawe owa Tekoa.

²⁵Yeraimeeli, omubele owa Hesironi asaala basoleeli baraano: Rama aba omubele, Buna, Oreni, Osemu ne Ahiya.

²⁶Yeraimeeli aba ne omukhasi okundi bali Atara, owaba maayi owa Onamu.

²⁷Rama asaala basoleeli bataru: Maasi, Yamini ne Ekeri.

²⁸Onamu asaala basoleeli babili: Siamai ne Yata. Siamai yesi asaala basoleeli babili, Natabu ne Abisiuri.

²⁹Lisina lio mukhasi owa Abisiuri aba bali Abikaili. Amusaalila basoleeli babili Abani ne Moliti.

³⁰Natabu wandaaye owa Abisiuri asaala basoleeli babili, Seleti ne Apaimu, ne Seleti afwa ne akhasaala omwana tawe.

³¹Apaimu aaba raraawe owa Ishi, Ishi aaba raraawe owa Shesiani ne Shesiani aaba raraawe owa Alai.

³²Yata wandaaye owa Siamai asaala basoleeli babili: Yeteri ne Yonasani. Yeteri afwa ne akhasaala omwana tawe.

³³Yonasani asaala basoleeli babili, Peleti ne Sasa. Bano boosi baba be nju eya Yeraimeeli.

³⁴Shesiani asaala bakhaana bong'ene. Ne kakhali aaba ne nasioobi Omumisiri lisina bali Yariha.

³⁵Shesiani aelesia Yariha mulala khu bakhaana bewe aba omukhasi wewe. Basaala omusoleeli lisina bali Atai.

³⁶Atai aaba raraawe owa Nasani, ne Nasani aaba raraawe owa Sabati.

³⁷Sabati aaba raraawe owa Efulali ne Efulali aaba raraawe owa Obeti.

³⁸Obeti aaba raraawe owa Yehu ne Yehu aaba raraawe owa Asaria.

³⁹Asaria aaba raraawe owa Helesi, ne Helesi aaba raraawe owa Eliesa.

⁴⁰Eliesa aaba raraawe owa Sisimai, ne Sisimai aaba raraawe owa Sialumu.

⁴¹Sialumu aaba raraawe owa Yekamia, ne Yekamia aaba raraawe owa Elisiama.

⁴²Kalebu aaba wandaaye owa Yeraimeeli. Omwana owa Kalebu omubele aba Mesia. Mesia aaba raraawe owa Sifu. Sifu aaba raraawe owa Maresha owaba raraawe owa Heburoni.

⁴³Heburoni asaala basoleeli bane: Kora, Tapua, Rekemu ne Shema.

⁴⁴Shema aaba raraawe owa Rahamu, Rahamu aaba raraawe owa Yorikeamu. Ne Rekemu aaba raraawe owa Siamai.

⁴⁵Siamai aaba raraawe owa Maoni. Maoni aaba raraawe owa Beti-suri.

⁴⁶Kalebu aaba no mukhasi niye aamenyia busa nga omusaale. Lisina liewe bali Efa. Asaala naye basoleeli babaandi bataru: Harani, Mosa ne Kasesi. Harani yesi asaala omusoleeli bali Kasesi.

⁴⁷Yahitai asaala basoleeli sita: Rekemu, Yotamu, Kesiani, Peleti, Efa ne Siaafu.

⁴⁸Kalebu aba ne omukhasi okundi niye aamenyia busa nga omusaale, bali Maaka. Amusaalila basoleeli babili: Sheberi ne Tirihana.

⁴⁹Lundi ekhumaliilikha amusaalila basoleeli babaandi babili: Siaafu ne Shefa. Siaafu aaba raraawe owa Madimana. Ne Shefa naye aaba raraawe owa Makibena ne Kibea khutasa khwaabo Kalebu aba asaala omukhaana lisina bali Akisa.

⁵⁰Bano nibo be nju eya Kalebu: Kalebu ne omukhasi wewe Efurati basaala omusoleeli bali Huri. Huri asaala Siobali, Salima ne Harefu. Siobali aaba raraawe owa Kiriati-Yearimu,

⁵¹omusoleeli wewe Salima aaba raraawe owa Betelehemu ne omusoleeli wewe Harefu aaba raraawe owa Beti-kateri.

⁵²Siobali aaba ne babaana babaandi khukhwama mu baana bano liamamo lisaaye lie Baharoe, balala khu ba Menuhoti.

⁵³Ne be luuya ba baamenya mu Kiriati-Yearimu baba bano: Baitiri, Baputi, Basiumati ne Bamisirai khukhwama mu bano bamamo Basorati ne Baesitaoli.

⁵⁴Lisaaye lia Salima liabamo: ba Betelehemu, Banetofati, Bafuroti-beti-Yoabu, ne balala khu Banahati ne Basori,

⁵⁵Be chinju che baandiki, bamenyanga mu Yabesi baba: Batirati, Bashimeati ne Basukati. Bano baba bakenayi babama e Hama, paapa owe be nju eya Rekabu.