Read lubukusu 1 Ke Ch. 24 Bible Online

1 Ke Ch. 24 - lubukusu bible

1 Ke Ch. 24

¹Bino nibio bipupu bie lisaaye lia Aruni: Aruni asaala basoleeli bane: Natabu, Abihu, Eliesa ne Itamari.

² Ne kakhali Natabu ne Abihu baafwa raarawabwe naakhafwa tawe, ne se baba ne lisaaye tawe. Nio bawandaayabwe Eliesa ne Itamari baaba basaayi.

³Khuloondekhana ne omwami Daudi buyeeti bwa Satoki owe lisaaye lia Eliesa alala ne Ahimeleki owe lisaaye lia Itamari. Daudi abarekekha khuloondekhana ne kimilimo kiabwe nikio babaroborwa.

⁴Babemeelesi bakali bama mu lisaaye lia Eliesa, khukhila lia Itamari. Babemeelesi ekhumi na sita khukhwama munju eya Eliesa, ne munane khukhwama munju eya Itamari.

⁵Babaandu khukhwama mu buli lisaaye lie nju chinju Eliesa ne Itamari baroborwa khulwe khukhupa chikura. Balala baroborwa khukhwimeelela Abuundu Atakatifu ne babaandi baaba basaayi.

⁶Omuandiki Shemaya okhwa Netaneli Omulawi aandika kamasina kaabwe ebweeni wo mwami ne babemeelesi ne omusaayi Satoki, Ahimeleki okhwa Abiatari, ne babemeelesi be chinju che basaayi ne chinju che Balawi. Kimilimo kiakabwa mu khuupa ekura mu chinju cha Eliesa ne Itamari.

⁷Ekura eye khunyoa yakwila Yehoyaribu, eya khabili yakwila Yetaya.

⁸Eya khataru yakwila Harimu, eye khane yakwila Seorimu

⁹Eya kharaano yakwila Malichiya, eya sita yakwila Miyamini.

¹⁰Eya saba yakwila Hakosi, eya munaane yakwila Abia.

¹¹Eya tisa yakwila Yeshua, eye khumi yakwila Shekania.

¹²Eye khumi na ndala yakwila Eliashibu, eya ekhumi na chibili yakwila Yakimu.

¹³Eye khumi na chitaru yakwila Hupa, eye khumi na chine yakwila Yeshebeabu.

¹⁴Eye khumi na chiraano yakwila Bilika, eye khumi na sita yakwila Imeri.

¹⁵Eye khumi na saba yakwila Hesiri, eye khumi na munaane yakwila Hapisesi.

¹⁶Eye khumi na tisa yakwila Petahiya, eye kamakhumi kabili yakwila Yehesekieli.

¹⁷Eye kamakhumi kabili na ndala yakwila Yakini, eya kamakhumi kabili na chibili yakwila Kamuli.

¹⁸Eye kamakhumi kabili na chitaru yakwila Delaya eya kamakhumi kabili na chine yakwila Maasia.

¹⁹Bipupu bie babaandu bano baroborwa khukhola kimilimo mu lukaangu lwa Wele Omunyali Owa Bioosi. Baliinda kamalaka niko baebwa ne kukaawabwe Aruni nga Wele Omunyali Owa Bioosi, Wele owa Isiraeli ne amulaka.

²⁰Kano niko kamasina kakaandi ke babaandu babaama khu lisaaye lia Lawi khu baana ba Amuramu, Shebueli. Ne khu baana ba Shubaeli, Yeteya.

²¹Ishiya, owe lisaaye lia Rahabia.

²²Shelomoti owe lisaaye lia Isihari ne Yahati owe lisaaye lia Shelomiti.

²³Heburoni asaala basoleeli bane: Yeria, Amaria, Yehasieli, ne Yekameamu.

²⁴Omwana owa Usieli aaba Mika.

²⁵Shamiri aaba omwana owa Mika. Isiya aaba wandaaye owa Mika. Ne Sakaria aba omwana owa Ishiya.

²⁶Mahili ne Mushi baaba be lisaaye lia Merari.

²⁷Ne Yaasia okhwa Merari asaala lundi raraawe owa Beno: Siohamu, Sakuri ne Iburi.

²⁸Mahili asaala basoleeli babili, Eliesa ne Kishi, Eliesa se aaba ne basoleeli tawe,

²⁹Ne Kishi asaala omusoleeli mulala bali Yeraimeeli.

³⁰Mushi asaala basoleeli bataru: Mali, Eteri ne Yeremoti. Bano baba babaana be balawi khuloondekhana ne chinju che bakuuka babwe.

³¹Omwimeelesi owa buli be nju, ne wandaaye omuro, baapa chikura che kimilimo. Bakhola bario bulayi bwene nga balebe babwe, basaayi babaakukha khu Aruni nga yaba ne bakholile. Omwami Daudi, Satoki, Ahimeleki ne babemeelesi be chinju che basaayi ne Balawi baba baloli.