Read lubukusu 1 Ke Ch. 25 Bible Online

1 Ke Ch. 25 - lubukusu bible

1 Ke Ch. 25

¹Omwami Daudi ne babemeelesi be kimilimo be lisaaya barobora balala khu lisaaye lia: Asafu, Henani ne Yedutuni. Kimilimo kiabwe kiaba khukhwilwacha khulwe khurumikhira kamatuungu, biilili ne bibiindu bie khu khuupania alala mu mienya. Kano niko kamasina ke babaandu babaroborwa khukhola kumulimo kuno:

²Ba okhwa Asafu bane Sakuri, Yosefu, Netania ne Asharela. Belwachanga asi we bubwekisi bwa Asafu khuloondekhana ne lilaka lio mwami Daudi.

³Ba okhwa Yedutuni babakhola kimilimo baba sita: Ketalia, Seri, Yeshaia, Simei, Hasiabiya ne Matitia. Baba asi we bubwimeelesi bwa paapa wabwe Yedutuni. Elwacha ne khurumikhira lituungu khufumia ne khusiima Wele Omunyali Owa Bioosi.

⁴Ba okhwa Hemani baba ekhumi na bane: Bukia, Matania, Usieli, Shebueli, Yeremoti, Hanania, Hanani, Eliata, Kitaliti, Romamuti-Eseri, Yosibekasha, Maloti, Hotiri ne Mahasioti.

⁵Wele aelesia Hemani omung'oosi wo mwami basoleeli ekhumi na bane ne bakhaana bataru. Wele amuelesia babaana bano khuloondekhana nga ne alaka Hemani.

⁶Hemani emeelela basoleeli bewe boosi khukhwimbila Wele Omunyali Owa Bioosi mu Lukaangu ne bibiindu bie khu khuupania alala mu mienya ne kamatuungu, ne biilili. Okwo nikwo kukwaba kumulimo kwabwe munju eya Wele. Ne Asafu, Yedutuni ne Hemani baba asi we kamalaka ko mwami Daudi.

⁷Babaandu bano ne balebe babwe baba bekesebwa lundi bamanya khukhwimbila Wele Omunyali Owa Bioosi. Baba babaandu chimia chibili ne kamakhumi kabili na munaane.

⁸Khumanya biise bie kimilimo nikio baelesibwa, boosi baapa chikura, baele ne basaakhulu, babekesia ne babeeka.

⁹Ekura eye khunyoa yakwila Yosefu wenju eya Asafu. Chikura chichaloondakho chakwilaanga babaandu ekhumi na babili khu buli enju. Eya khabili yakwila Ketalia, babaana bewe ne balebe bewe.

¹⁰Eya khataru yakwila baandu ekhumi na babili Sakuri, babaana ne balebe bewe.

¹¹Eya khane yakwila baandu ekhumi na babili Isiri, babaana ne balebe bewe.

¹²Eya kharaano yakwila Nesania, babaana ne balebe bewe.

¹³Eya sita yakwila Bukia, babaana ne balebe bewe.

¹⁴Eya saba yakwila Yesharela, babaana ne balebe bewe.

¹⁵Eya munaane yakwila Yeshaya, babaana ne balebe bewe.

¹⁶Eya tisa yakwila Matania, babaana ne balebe bewe.

¹⁷Eye ekhumi yakwila Shimei, babaana ne balebe bewe.

¹⁸Eye ekhumi na ndala yakwila Asareli, babaana ne balebe bewe.

¹⁹Eye ekhumi na chibili yakwila Hasiabiya, babaana ne balebe bewe.

²⁰Eye ekhumi na chitaru yakwila Shubaeli, babaana ne balebe bewe.

²¹Eye khumi na chine yakwila Matitia, babaana ne balebe bewe.

²²Eye ekhumi na chiraano yakwila Yeremoti, babaana ne balebe bewe.

²³Eye ekhumi na sita yakwila Hanania, babaana ne balebe bewe.

²⁴Eye ekhumi na saba yakwila Yeshibekasha, babaana ne balebe bewe.

²⁵Eye ekhumi na munaane yakwila Hanani, babaana ne balebe bewe.

²⁶Eye ekhumi na tisa yakwila Maloti, babaana ne balebe bewe.

²⁷Eye kamakhumi kabili yakwila Eliata, babaana ne balebe bewe.

²⁸Eye kamakhumi kabili na ndala yakwila Hotiri, babaana ne balebe bewe.

²⁹Eye kamakhumi kabili na chibili yakwila Kitaliti, babaana ne balebe bewe.

³⁰Eye kamakhumi kabili na chiraru yakwila Mahasioti, babaana ne balebe bewe.

³¹Eye kamakhumi kabili na chine yakwila Romamuti-Eseri, babaana ne balebe bewe.