Read lubukusu 1 Ke Ch. 4 Bible Online

1 Ke Ch. 4 - lubukusu bible

1 Ke Ch. 4

¹Abano nibo be nju eya Yuda: Peresi, Hesironi, Karimi, Huri, ne Siobali.

²Siobali aaba raraawe owa Reaya. Reaya aaba raraawe owa Yahati, Yahati aaba raraawe owa Ahumai ne Lahadi. Abo nibo ba baba bakuuka be babaandu ba Sora.

³Bano baba basoleeli ba Etamu: Yesireeli, Ishuma ne Itibashi. Lisina lio mukooko wabwe liaba Haseleliponi.

⁴Penueli aaba raraawe owa Ketori, ne Eseri aaba raraawe owa Hushashi. Bano baba ba okhwa Huri omubele owa Efurati raraawe owa Betelehemu.

⁵Ashihuri, raraawe owa Tekoa aba ne bakhasi babili, Hela ne Naara.

⁶Naara amusaalila basoleeli bane: Ahusamu Heferi, Temeni ne Haahashitari.

⁷Hela asaala basoleeli bataru: Sereti, Isihari ne Etinani.

⁸Kosi aaba raraawe owa Anubu ne Sobeba, lundi aba kuuka owe lisaaye lia Ahariheli aba okhwa Harumi.

⁹Abao omundu lisina bali Yabesi[4] owaba omukoosi lukali khukhila ba wandaaye. Maayi amutiuukha ali Yabesi sikila aloma ali, “Namusaala mu buchuuni.”

¹⁰Nio Yabesi asaba Wele owa Isiraeli ne aloma ali, “Wele mbiite chikhabi mala obalaayie lulwakha lwase. Ba alala ne nase uniinde khanyoolekhana ne butinyu bwe khuchunisibwa tawe.” Nio Wele amuelesia nisio asaba.

¹¹Kelabu wandaaye owa Shuha aba ne omusoleeli bali Mehiri. Ne Mehiri aaba raraawe owa Eshitoni.

¹²Eshitoni asaala basoleeli bataru: Beti-rafa, Pasea ne Tehina. Tehina aaba raraawe owa Iri Nahashi. Be lisaaye lie babaandu bano bamenyanga mu lukoba lwa Reka.

¹³Kenasi asaala basoleeli babili, Otinieli ne Seraya. Otinieli yesi asaala basoleeli babili, Hatati ne Meonotai.[5]

¹⁴Meonotai aaba raraawe owa Ofira. Seraya aaba raraawe owa Yoabu. Yoabu aaba raraawe owa Keharashimu. Be lisaaye lia Keharashimu balaangwa Bakeharashimu sikila baba bamanya kimilimo bulayi.

¹⁵Kalebu okhwa Yefune aaba ne babaana basoleeli bataru: Iru, Ela ne Naamu. Ne Ela aaba raraawe owa Kenasi.

¹⁶Yehaleleli aba ne basoleeli bane: Sifu, Sifa, Tiria, ne Asareli.

¹⁷Esira aba ne basoleeli bane: Yeteri, Mereti, Eferi ne Yaloni. Meredi akhwa Bitia, omukhaana owa Farao aba omukhasi wewe, mala basaala omukhaana bali Miriamu ne basoleeli babili: Shamai ne Ishiba. Ishiba aaba raraawe owa Eshitemoa.

¹⁸Meredi lundi akhwa omukhasi khukhwama mu kholo eya Yuda mala basaala basoleeli bataru: Yereti raraawe owa Ketori, Heberi raraawe owa Soko, ne Yekutieli raraawe owa Sonoa.

¹⁹Hodia akhwa omukhaana owa Nahamu. Be lisaaye liabwe nibo babarakikha luuya lwa Keila Omukarimi luuya lwa Eshitemoa Omumaaka.

²⁰Shimoni aba ne basoleeli bane: Amunoni, Rina, Benihanani ne Tiloni Ishi aba ne basoleeli babili: Soheti ne Benisoeti.

²¹Shela aba omusoleeli owa Yuda. Be lisaaye liewe baba Eri, raraawe owa Leka. Laada raraawe owa Maresha, nende be chinju chichanabanga chingubo cha katani, babamenyanga mu lukoba lwa Beti-ashibea,

²²Yokimu ne babaandu ba Koseba ne Yoashi ne Sarafu babaamiia Moabu mala bakobola bamenya mu Betelehemu. (Kamaandike kano kali ke khaale lukali)

²³Baba babuumbi bo mwami mala bamenyanga mu ngoba cha Netaimu ne Ketera.

²⁴Simioni aaba ne babaana bewe basoleeli baraano: Nemueli, Yamini, Yaribu, Sera, ne Shauli.

²⁵Okhwa Saulo aaba Sialumu. Ne Sialumu asaala Mibusamu, ne Mibusamu asaala Mishima.

²⁶Omwana owa Mishima aba Hamueli. Hamueli naye asaala Sakuri, ne Sakuri asaala Simei.

²⁷Simei asaala basoleeli ekhumi ne sita ne bakhaana sita. Bawandaaye basoleeli se baba ne babaana bakali tawe. Khwako enju yabwe se yabalaa nga chinju chichiindi mu Yuda tawe.

²⁸Khukhwola khu siise sio mwami Daudi be nju eya Simei bamenyanga mu ngoba chino: Beerisheba, Molata, Hasari-shueli.

²⁹Biliha, Esemu, ne Tolati,

³⁰Betueli, Horima, Sikilaki,

³¹Beti-marikaboti, Hasarisusimu, Betibiri ne Siaraimu. Chingoba chino chaba che babaandu bano khukhwola nga Daudi ne amiia.

³²Yakhaba lundi bamenyanga mu birekere bibiindi biraano Etamu, Aini, Rimoni, Tokeni ne Ashani

³³ne birekere biao bibiabotookhelesia chingoba khukhwola khu lukoba lwa Baali. Ako niko kakaba kamaloba kabwe. Ne babiikha kamaandike ke sikuuka siabwe.

³⁴Abano bosi baba be lisaaye lia Simioni: Mesobabu, Yamuleki, ne Yosha okhwa Amasia.

³⁵Yoeli, Yehu okhwa Yosibia, Yosibia okhwa Seraya, ne Seraya okhwa Asieli.

³⁶Elioenai, Yaakoba, Yeshohaya, Asaya, Adieli, Yesimieli, ne Banaiya.

³⁷Sisa okhwa Sifi, Sifi okhwa Aloni. Aloni okhwa Yetaya okhwa Simuri, ne Simuri okhwa Shemaya.

³⁸Babaandu bano baba babemeelesi be chinju chabwe mala lisaaye liabwe liachiililila khukucha lukali.

³⁹Bacha boola asilibwa sie lukoba lwa Ketori[6], lubeka lwe ebukwe we litooma lia Ketori. Bacha ebweeneyo khukhwaya bibiaayo.

⁴⁰Banyoola kamayilwe kamalayi lundi kamakali. Sibala siaba sibalaayi lundi sie kumuleembe. Babaandu babamenyangayo khale baba Bahamu.

⁴¹Mu ndaalo cho mwami Hesekia owa Yuda babaandu babalilwe angaaki ao bacha mala bonaka kamaeema ke Bahamu. Lundi babunia Bameuni. Babunisilia elala Bahamu ne Bameuni mala nibo bamenyayo. Bamenyayo sikila bunyaasi bwabayo bulayi khulwe bibiaayo biabwe.

⁴²Babaandu babaandi chimia chiraano be kholo eya Simioni bacha lubeka lwe bukwe owa Edomu. Barangirirwa ne ba okhwa Ishi: Pelatia, Nearia, Refaya ne Usieli.

⁴³Beerayo Baamaleki ba baaba ne barama mala khu bamenyayo khukhwola luno.