Read lubukusu 1 Ke Ch. 6 Bible Online

1 Ke Ch. 6 - lubukusu bible

1 Ke Ch. 6

¹Lawi aba ne babaana basoleeli bataru: Kerishomu, Kohati ne Merari.

²Kohati naye aba ne basoleeli bane: Amuramu, Isihari, Heburoni ne Usieli.

³Amuramu asaala basoleeli babili, Aruni ne Musa ne omukhaana mulala bali Miriamu. Aruni asaala basoleeli bane: Natabu, Abihu, Eliesa ne Itamari.

⁴Eliesa aaba raraawe owa Fineasi: Fineasi aaba raraawe owa Abishua.

⁵Abishua aaba raraawe owa Buki aaba raraawe owa Usi.

⁶Ne Usia aaba raraawe owa Seraya, ne Seraya aaba raraawe owa Meraioti.

⁷Meraioti aaba raraawe owa Amariya, ne Amariya aaba raraawe owa Ahitubu.

⁸Ahitubu raraawe owa Satoki, ne Satoki aaba raraawe owa Ahimasi.

⁹Ahimasi aaba raraawe owa Asaria, ne Asaria aaba raraawe owa Yoanani,

¹⁰Yoanani aaba raraawe owa Asaria (niye owakholanga mu Lukaangu nilwo Omwami Solomoni ombakha mu Yerusalemu)

¹¹Asaria aaba raraawe owa Amaria, ne Amaria aaba raraawe owa Ahitubu.

¹²Ahitubu aaba raraawe owa Satoki ne Satoki aaba raraawe owa Shalumu.

¹³Shalumu aaba raraawe owa Hilikia ne Hilikia aaba raraawe owa Asaria,

¹⁴Asaria aaba raraawe owa Seraya, ne Seraya aaba raraawe owa Yehosataki.

¹⁵Omwami Nebukadinesa auya Yehosataki alala ne babaandu babaandi ba Yuda ne Yerusalemu abayila mu mbaambe. Wele Omunyali Owa Bioosi niye owakhola kano khubirira khu Nebukadinesa.

¹⁶ Lawi asaala basoleeli bataru: Kerishomu, Kohati, ne Merari.

¹⁷Kerishomu aaba raraawe owa Libuni ne Simei.

¹⁸Babaana ba Kohati baba Amuramu, Isihari, Heburoni, ne Usieli.

¹⁹Ne babaana ba Merari baba Mahili ne Mushi. Chino chili chinju che Balawi khuloondekhana ne bakuuka babwe.

²⁰Kerishomu aaba raraawe owa Libuni, Libuni aaba raraawe owa Yahati ne Yohati aaba raraawe owa Sima. Sima aaba raraawe owa Yoa.

²¹Yoa aaba raraawe owa Ito, Ito aaba raraawe owa Sera, Sera aaba raraawe owa Yeaterai.

²²Kohati aaba raraawe owa Aminatabu, Aminatabu aaba raraawe owa Kora, Kora aaba raraawe owa Asiri,

²³Asiri aaba raraawe owa Elikana Ebiasafu aaba okhwa Elikana. Asiri aaba okhwa Ebiasafu.

²⁴Asiri aaba raraawe owa Tahati, Tahati aaba raraawe owa Urieli, Urieli aaba raraawe owa Usia, Usia aaba raraawe owa Shauli.

²⁵Elikana asaala basoleeli babili, Amasai ne Ahimoti.

²⁶Ahimoti aaba raraawe owa Elikana, Sofai raraawe owa Nahati.

²⁷Eliabu aaba okhwa Nahati, Yerohamu aaba okhwa Eliabu, Elikana aaba okhwa Yerohamu.

²⁸Samweli asaala basoleeli babili: Yoeli omubele ne Abicha omuro.

²⁹Babaana ba Merari baba Mahili ne Libuni. Libuna aaba raraawe owa Simei, Simei aaba raraawe owa Usa, Usa aaba raraawe owa

³⁰Simea. Simea aaba raraawe owa Hakia. Hakia aaba raraawe owa Asaya.

³¹Bano nibo omwami Daudi ara mu bwimeelesi bwe kimienya munju eya Wele Omunyali Owa Bioosi enyuma we Lisanduku lie Ndakaano khuyilwamo.

³²Nibo babembanga busiele mwieema lie kumuse khukhwola nga omwami Solomoni ne ombakha Lukaangu lwa Wele Omunyali Owa Bioosi mu Yerusalemu.

³³Bano nibo ba baaba babembi ne babaana babwe: Be luuya lwa Kohati aba Hemani okhwa Yoeli, Yoeli okhwa Samweli, Samweli okhwa Elikana,

³⁴Elikana okhwa Yerohamu, Yerohamu okhwa Elieli, ne Elieli okhwa Toa.

³⁵Toa okhwa Sufu, Elikana okhwa Mahati, Mahati okhwa Amasai.

³⁶Amasai okhwa Elikana, Elikana okhwa Yoeli, Yoeli okhwa Asaria, Asaria okhwa Sefania.

³⁷Sefania okhwa Tahati, Tahati okhwa Asiri, Asiri okhwa Ebiasafu, Ebiasafu okhwa Kora,

³⁸Kora okhwa Isihari, Isihari okhwa Kohati, okhwa Lawi ne Lawi okhwa Yakobo.

³⁹Asafu aba omuyeeti owa Hemani owemanga kumukhono kumuseecha. Asafu aba okhwa Berekia, Berekia aba okhwa Simea,

⁴⁰Simea aba okhwa Mikaili, Mikaili aba okhwa Baaseya, Baaseya aba okhwa Malichiya,

⁴¹Malichiya aba okhwa Etini, Etini aaba okhwa Sera, Sera aaba okhwa Ataya,

⁴²Adaia aba okhwa Etani, Etani aba okhwa Sima, Sima aaba okhwa Simei,

⁴³Simei aba okhwa Yahati, Yahati aaba okhwa Kerishomu ne Kerishomu aba okhwa Lawi.

⁴⁴Ne babemanga kumukhono kumukhasi baba be lisaaye lia Merari mala baba bano: Etani okhwa Kishi, Kishi okhwa Abudi, Abudi okhwa Maluki,

⁴⁵Maluki okhwa Hashabia, Hashabia okhwa Amasia, Amasia okhwa Hilikia,

⁴⁶Hilikia okhwa Amusia, Amusia okhwa Bani, Bani okhwa Shemeri,

⁴⁷Shemeri okhwa Mahili, Mahili okhwa Mushi, Mushi okhwa Merari, Merari okhwa Lawi.

⁴⁸Bawandaayabwe baroborwa khukhola kimilimo kioosi kie mu liiema lia Wele Omunyali Owa Bioosi.

⁴⁹Aruni nende be lisaaye liewe baananga biianwa khu alutare eye biianwa bie khukhwosia ne khu alutare eye bibiindu biiunya bulayi. Baananga biianwa khu milimo kioosi kie Abuundu Atakatifu Lukali ne khu sabila Baisiraeli babelwe bumayaanu bwabwe. Bakholanga bario khuloondekhana nende koosi niko Musa omukholi owa Wele alaka.

⁵⁰Lino liliaba lisaaye lia Aruni: Aruni aaba raraawe owa Eliesa, Eliesa aaba raraawe owa Fineasi, Fineasi aaba raraawe owa Abishua,

⁵¹Abishua aaba raraawe owa Buki, Buki aaba raraawe owa Usi, Usi aaba raraawe owa Seraya,

⁵²Seraya aaba raraawe owa Meraioti, Meraioti aaba raraawe owa Amaria, Amaria aaba raraawe owa Ahitubu,

⁵³Ahitubu aaba raraawe owa Satoki, Satoki aaba raraawe owa Ahimasi.

⁵⁴Kano kali kamaloba niko lisaaye lie Balawi liamenyamo. Lisaaye liewe lie luuya lwa Kohati liaebwa sitonyi sie khunyoa sie kamaloba.

⁵⁵Balielesia lukoba lwa Heburoni mu Yuda ne kamayilwe kakalubotookhelela.

⁵⁶Ne kakhali chisambu ne birekere bie lukoba biaelesibwa Kalebu okhwa Yefune.

⁵⁷Be lisaaye lia Aruni baelesibwa chingoba che khumulilamo: Heburoni ne Libuna, Yatiri ne Esitemoa.

⁵⁸Hileni ne Tebiri.

⁵⁹Ashani ne Beti-shemesi. Babaelesia chingoba chino alala ne kamayilwe kacho.

⁶⁰Lundi be lisaaye lia Aruni baelesibwa chingoba ne kamayilwe ke ekholo eya Benjamini. Baelesibwa chingoba cha Keba, Alemeti ne Anatoti alala ne kamayilwe kacho. Chingoba choosi nicho be chinju chabwe bamenyangamo chaba ekhumi na chitaru.

⁶¹Be luuya lwa Kohati babarama baelesibwa chingoba ekhumi mu sibala sie balala khu kholo eya Manase, khulwe khu khuupa ekura.

⁶²Chinju che luuya lwa Kerishomu chanyoola chingoba ekhumi na chitaru khukhwama mu kholo cha Isakari, Asieri, Nafutali, ne sia Manase mu Bashani. Bakerishomu baebwa chingoba khuloondekhana ne chinju chabwe.

⁶³Luya lwa Merari lwanyoola chingoba ekhumi na chibili khukhwama mu kholo cha Rubeni, Kati ne Sebuluni. Chosi chaebwa chingoba chino khuloondekhana ne chinju chabwe.

⁶⁴Babaandu ba Isiraeli baelesia Balawi chingoba che khumenyamo, alala ne kamayilwe kabwe.

⁶⁵Lundi babaelesia chingoba mu kholo cha Yuda, Simioni ne Benjamini, khulwe khu khuupa ekura.

⁶⁶Be chinju chindala khu baana ba Kohati baelesibwa chingoba mu sibala sie ekholo eya Efuraimu.

⁶⁷Baelesibwa chingoba che khumulilamo chichaba cha Shekemu lukoba lulwaba mu sibala sie bikulu sia Efuraimu, Keseri,

⁶⁸Yokimeamu, Beti-horoni,

⁶⁹Aiyaloni ne Kati-Rimoni ne kamayilwe kacho.

⁷⁰Lundi Bakohati baelesibwa chingoba che balala khu kholo eya Manase. Chingoba chino chaba Aneri ne Bileamu alala ne kamayilwe kacho.

⁷¹Be nju eya Kerishomu baelesibwa chingoba che balala khu kholo eya Manase chichaba Kolani mu Bashani ne Ashitoreti alala ne kamayilwe kacho.

⁷²Khukhwama mu kholo eya Isakari enju eya Kerishomu yaelesibwa: Keteshi Daberati,

⁷³Ramoti ne Anemu ne kamayilwe kacho.

⁷⁴Mu kholo eya Asieri baelesibwa Mashali, Abutoni.

⁷⁵Hukoki ne Rehobu ne kamayilwe kacho.

⁷⁶Khukhwama mu kholo eya Nafutali baelesibwa: Kadeshi eye mu Kalilaya, Hamoni ne Kiriataimu ne kamayilwe kacho.

⁷⁷Be chinju cha Merari babarama baelesibwa chingoba che ekholo eya Sebuluni chichaba Rimono, Tabori,

⁷⁸engelekha we luluuchi lwa Yoritani, e Yeriko chaba ne elubeka lwe ebukwe we luluuchi lwa Yoritani. Banyoola chingoba chino ne kamayilwe kacho. Ne khukhwama mu kholo eya Rubeni banyoola chingoba cha Beseri ne Yahisa,

⁷⁹Ketemoti ne Mefati alala ne kamayilwe kacho.

⁸⁰Khukhwama mu kholo eya Kati baelesibwa chingoba cha Ramoti mu Kileati, Mahanaimu,

⁸¹Heshiboni ne Yaseri alala ne kamayilwe kacho.