Read lubukusu 1 Ke Ch. 7 Bible Online

1 Ke Ch. 7 - lubukusu bible

1 Ke Ch. 7

¹Isakari aba ne basoleeli bane: Dola, Pua, Yashubu ne Simuroni.

²Ne Dola aaba ne basoleeli sita: Usi, Rafaya, Yerieli, Yahimayi, Ibusamu ne Shemweli. Bano baba babemeelesi be chinju che babaandu be luuya lwa Dola mala baba banamae be kamaani. Mu ndaalo cho mwami Daudi lisaaye liabwe liaba ne babaandu chielefu kamakhumi kabili ne chibili ne chimia sita.

³Usi asaala omusoleeli mulala bali Isirahiya. Isirahiya aaba ne basoleeli baraano, ne bane khu baraano bano baba: Mikaili, Obadia, Yoeli ne Isihia. Baraano bano Boosi baba babemeelesi be chinju chabwe.

⁴Babeya bakhasi bakali, basaala babaana bakali lisaaye liabwe liarusia banamae chielefu kamakhumi kataru ne chielefu sita.

⁵Balebe be kholo eya Isakari baba banamae be kamaani chielefu kamakhumi munaane ne saba babaandikwa khuloondekhana ne sikuuka siabwe.

⁶Benjamini asaala basoleeli bataru: Bela, Bekeri ne Yetiaeli.

⁷Bela asaala basoleeli baraano: Esiboni, Usi, Usieli, Yeremoti ne Iri. Baba babemeelesi be chinju chabwe. Boosi baba banamae be kamaani. Baba banamae chielefu kamakhumi kabili ne chibili ne kamakhumi kataru na chine. Babaandikwa khuloondekhana ne sikuuka siabwe.

⁸Bekeri asaala basoleeli tisa: Semira, Yoashi, Elieseri, Elioenai, Omuri, Yeremoti, Abicha, Anatoti ne Alemeti.

⁹Mu bitabu bie lisaaye liabwe khuloondakhana ne chinju chabwe baandika babaandu chielefu kamakhumi kabili ne chimia chibili. Baba banamae be kamaani.

¹⁰Yetiaeli asaala omusoleeli Bilihani yeng'ene. Ne Bilihani naye asaala basoleeli saba: Yeushi, Benjamini, Ehudi, Kenaana, Setani, Tarishishi ne Ahishahari.

¹¹Bano boosi baba ba okhwa Yetiaeli lundi baba babemeelesi be chinju mu luuya lwabwe. Boosi baba banamae be kamaani. Baba boosi alala babaandu chielefu ekhumi na saba ne chimia chibili berekekha khu milimo kie liie.

¹²Bashupimu ne Bahupimu baba be lisaaye lia Iri. Ne Bahushimu baba be lisaaye lia Aheri.

¹³Nafutali asaala basoleeli bane: Yahisieli, Kuni, Yeseri ne Shalumu. Bano baba be lisaaye lia Biliha

¹⁴Arameani omukhasi niye bamenyia busa nga omusaale asaalila Manase basoleeli babili: Asirieli ne Makiri. Makiri aaba raraawe owa Kileati.

¹⁵Makiri akhwa omukhasi owaba wandaaye owa Hupimu ne Shupimu. Omukooko owa Makiri aba bali Maaka. Omusoleeli owa khabili owa Makiri aba bali Selofehadi. Selofehadi asaala babaana bakhaana bong'ene.

¹⁶Maaka, mukha Makiri asaala basoleeli babili nibo batiuukha bali Peresi ne Shereshi. Shereshi asaala basoleeli babili: Ulamu ne Rakemu.

¹⁷Ulamu asaala omusoleeli bali Betani. Bano boosi bali be lisaaye lia Kileati okhwa Makiri. Makiri, aba okhwa Manase.

¹⁸Hamoleketi omukooko owa Makiri asaala basoleeli bataru: Isihodi, Abieseri ne Mahila.

¹⁹Shemita asaala basoleeli bane: Ahiani, Shekemu, Likhi ne Aniyamu.

²⁰Efuraimu aaba raraawe owa Shutela. Shutela aaba raraawe owa Bereti, Bereti aaba raraawe owa Tahati, Tahati aaba raraawe owa Eleata, Eleata aaba raraawe owa Tahati.

²¹Tahati aaba raraawe owa Sabati, Sabati aaba raraawe owa Shutela. Efuraimu asaala basoleeli babaandi babili Eseri ne Eleati babeerwa nga baba ne balikho bakhaka khukhwiba chikhaafu che babaandu be mu sibala sia Katihi.

²²Efuraimu paapa wabwe abalila khulwe chindaalo chingali, mala bawandaaye becha bamuoleelesia.

²³Lundi Efuraimu aaba ne omukhasi wewe mala asaala omwana omusoleeli. Bamutiuukha bali Beria[7], sikila butinyu bwaba bwengile munju eya Efuraimu.

²⁴Efuraimu aaba no omukhaana bali Sheera. Sheera ombakha chingoba cha Beti-horoni lwe ngaaki ne lwe mwaalo ne Useni-Sieera.

²⁵Efuraimu asaala omusoleeli bali Refa. Refa asaala Resiefu. Resiefu aaba raraawe owa Tela. Tela aaba raraawe owa Tahani.

²⁶Tahani aaba raraawe owa Latani, Latani aaba paapa owa Amihudi, Amihudi aaba raraawe owa Elisiama.

²⁷Elisiama aaba raraawe owa Nuni, Nuni aaba raraawe owa Yoshua.

²⁸Kamaloba ne bumenyo bwabwe bwaba Beteli ne chingoba chichasibotookhelela Naarani ebukwe ne Keseri mumbo, ne chingoba chichasibotookhelela. Shekemu ne Aya ne chingoba chacho.

²⁹Khunjakha che kamaloba ka Manase chabaakho chingoba cha Beti-sheani, Taanachi, Mekido, ne Tori ne birekere bibiaba siimbi. Ano niio lisaaye lia Yosefu okhwa Yakobo liamenyanga.

³⁰Babaana ba Asieri baba basoleeli bane: Imuna, Ishiba, Ishibi ne Beria. Ne asaala omukhaana mulala yeng'ene niye balaanga bali Sera.

³¹Beria asaala basoleeli babili: Heberi ne Malikieli. Malikieli asaala Birisaiti.

³²Heberi asaala basoleeli bataru: Yafuleti, Shomeri ne Hotamu ne asaala omukhaana mulala bali Siua.

³³Yafuleti yesi asaala basoleeli bataru: Pasaki, Bimuali ne Asibati.

³⁴Siomeri wandaaye owa Yafuleti asaala basoleeli bataru: Roika, Yehuba ne Aramu.

³⁵Wandaaye Helemi asaala basoleeli bane: Sofari, Imuna, Shelesi ne Amali.

³⁶Babaana ba Sofari baba Sua, Harineferi, Shuali, Beri, Imura,

³⁷Lundi ne Beseri Hoti, Shama, Silisha, Itirani, Beera.

³⁸Babaana ba Yeteri baba Yefune, Pisipa ne Ara.

³⁹Babaana ba Ula baba Ara, Hanieli ne Risia.

⁴⁰Bano boosi baba be lisaaye lia Asheri. Baba babemeelesi be chinju chabwe. Baba banamae be kamaani lundi babemeelesi babamanyikhana. Be sikuuka sia Asheri boosi alala sitube baba banamae chielefu kamakhumi kabili ne sita babolaana kimilimo kie liie.