Read lubukusu 2 Ke Ch. 19 Bible Online

2 Ke Ch. 19 - lubukusu bible

2 Ke Ch. 19

¹Yehoshafati, omwami owa Yuda akobola mu muleembe munju yewe mu Yerusalemu.

²Ne kakhali owe kamalola Yehu okhwa Hanani arura acha khu mwakaanana. Aboolela omwami Yehoshafati ali, “Ewe onyala wayeeta bamayaanu, ne khusiima abo bababiila Wele Omunyali Owa Bioosi? Sikila kano, Wele Omunyali Owa Bioosi akhuambile ewe lirima.

³Ne kakhaba kario, bulayi bulikho mwiwe butiiti buri, sikila ewe wonaka bifwaani bia wele Asiera barura mu sibala muno, lundi werusiisie khusaaya Wele.”

⁴Yehoshafati amenya mu Yerusalemu. Ne arura acha mu baandu, khukhwama Beerisheba khukhwola mu sibala sie bikulu sia Efuraimu. Mala abakobosia khu Wele Omunyali Owa Bioosi, Wele owe bakuuka babwe.

⁵Arobora bakhalaki mu ngoba cha Yuda choosi chisire khukhwama khu lukoba khukhwola khu lundi.

⁶Aboolela bakhalaki ali, “Mwibaasie niko mukhola, sikila se mucha khukhola bukhalaki khulwo mundu tawe ne kakhali khulwa Wele Omunyali Owa Bioosi. Wele Omunyali Owa Bioosi ali alala ne nanywe nga muaana bukhalaki.

⁷Nono mwesi ria Wele Omunyali Owa Bioosi. Yibaasia niko mukhola, sikila mu Wele Omunyali Owa Bioosi, Wele wefwe khukhiikha bukhalaki bwa ng'ali namwe khuyekha lubeka lulala, namwe khukhwakaanila asoya mbamo.”

⁸Khutasa khwako, Yehoshafati arobora Balawi balala ne basaayi ne babemeelesi be chinju che Baisiraeli khuana bukhalaki Khulwa Wele Omunyali Owa Bioosi ne khukhalaka kimisaango kie lilomana mu Yerusalemu. Bubwikhalo bwabwe bwaba mu Yerusalemu.

⁹Ne abalakiilisia ali, “Khwako mukhalake khulwe khuria Wele Omunyali Owa Bioosi, mu bweyikinwa ne kumwoyo kwenywe kwoosi.

¹⁰Buli lwoosi kumusaango kureerwa khwinywe khukhwama khu balebe benywe bamenyile mu ngoba chabwe, khulwe khuchukha sifuki, namwe khufuna lilaka. Nebeecha bekisie, bakhakhola bario banyoola bumayaanu ebweeni wa Wele Omunyali Owa Bioosi nio lirima lia Wele Omunyali Owa Bioosi likhakhola lirio liecha khwinywe namwe khu bawandaaye benywe tawe, mulikhola murio nio mulekhe khukhola bumayaanu tawe.

¹¹Ne lola, Amaria, Omusaayi Omukhulu Lukali ali angaaki wenywe mu biindu bia Wele Omunyali Owa Bioosi, ne Sebatia okhwa Ishimaeli, omwimeelesi owe enju eya Yuda, amwimeelela enywe khu biindu bioosi bio mwami. Ne Balawi balamukholela enywe kimilimo nga babemeelesi. Khola kimilimo ne bunyindaafu ne Wele Omunyali Owa Bioosi akhoya aba ne baluungi!”