Read lubukusu Esr. 10 Bible Online

Esr. 10 - lubukusu bible

Esr. 10

¹Esira nga naaba ne alikho nasaba ne khukhweyama bumayaanu bwewe, ne alikho alila ne khukwa ebweeni we enju eya Wele, sipupu sikali sie Baisiraeli, be siseecha, be siikhasi, ne babaana sia bamubotookhelela ne khulila lukali.

²Nio Shekania okhwa Yehieli, mulala khu ba okhwa Elamu, aboolela Esira ali, “Se khwabeele basuubilwa khu Wele wefwe tawe, mala khwakhweele bakhaana bakeni khukhwama mu baandu Be Chikholo, ne akhaba luno lilieyikina lisiiliio khulwa Isiraeli.

³Khwako lekha khukhole endakaano ne Wele wefwe. Lekha khuoone bakhasi bano boosi ne babaana babwe bache, khuloondekhana ne likeleka liowo nende liabo ba baria kamalaka ka Wele. Lekha likholekhe khuloondekhana ne lilaka lia Wele.

⁴Yinyokha, sikila kuli kumulimo kwowo, ne efwe khuli ne nawe. Ba ne kamaani mala okukhole.”

⁵Nio Esira enyokha mala akhola babemeelesi be basaayi ne Balawi ne Baisiraeli boosi bakhola sisiechubo bali bacha khukhola nga nilwo lialomekha, bechuba.

⁶Nio Esira enyokha arura munju eya Wele, mala acha mu lusiro lwa Yehohanani, okhwa Eliashibu. Ebweeneyo niio akona siilo esio. Ne se aliakho siakhulia namwe anywakho kameechi tawe, sikila aaba alikho alilila khutaamba lisuubila khwe babaandu babaama mu mbaambe.

⁷Lilaka liarura mu Yuda mwoosi ne mu Yerusalemu khu boosi ba bakobola khukhwama mu mbaambe bali bakhoya babuusianile e Yerusalemu.

⁸Lilaka liarura khu bemeelesi lili, omundu yesi yesi aaba ne akhilwa khukhwicha mu ndaalo chitaru, aba acha khunuulwa kimiaandu kiewe, lundi niye omwene acha khurusibwa khukhwama mu libuusiana lie be mu mbaambe.

⁹Nio babaandu ba Yuda boosi, ne ba Benjamini, babuusiana e Yerusalemu khulwe chindaalo chitaru. Yaba endaalo eye kamakhumi kabili eye kumwesi kwa tisa. Ne babaandu boosi bekhala khuluya ebweeni wenju eya Wele. Baba balikho baterema sikila likhuwa lino lundi sikila efula engali.

¹⁰Omusaayi Esira eema, mala ababoolela ali, “Mwakhola bumayaanu, khukhwa bakhaana bakeni, mala mwatasa bubi khu Isiraeli.

¹¹Nio luno khemweyame bumayaanu bwenywe khu Wele Omunyali Owa Bioosi, Wele owe bakuuka benywe, mala mukhole kamusiimisia niye. Mulekhane ne babaandu be chikholo chino ne bakhasi bakeni.”

¹²Nio libuusiana lie babaandu boosi bakobosia ne kumumilo kwe angaaki bali, “khucha khukhola nga nilwo olomile.

¹³Ne kakhali babaandu bali bakali, mala mu siise sino efula elikho ekwa engali, se khunyala khwemamo tawe. Namwe kumulimo kuno se kuli kwe ndaalo ndala namwe chibili tawe, sikila khwamala khukhola bumayaanu bukali mu likhuwa lino.

¹⁴Lekha babemeelesi befwe bemeelele libuusiana lioosi. Lekha boosi baali mu ngoba chefwe babakhwa bakhaana bakeni beche mu biise birobore. Bakhoya beche ne basakhulu ne bakhalaki ba buli lukoba, nabwila burafu bwe lirima lia Wele wefwe khu likhuwa lino ne liwa.”

¹⁵Yonasani okhwa Asaeli ne Yaseya okhwa Tikiwa bong'ene bakhafukiilila lirekekha lino tawe ne bayeetwa ne Meshulamu ne Siabetai, Omulawi.

¹⁶Nio babakobola khukhwama mu mbaambe bakhola bario. Omusaayi Esira arobora babaandu be siseecha babemeelesi khuloondekhana ne chinju chabwe, mala baandika kamasina kabwe. Mu ndaalo enyoa eye kumwesi kwe khumi bekhala asi barakikha khumenieelesia likhuwa elio.

¹⁷Khu ndaalo eye bweeni eye kumwesi kwe khunyoa, baba bamalile khumanya babaandu ba baba ne bakhasi bakeni.

¹⁸Khu baana be siseecha be basaayi ba bakhwa bakhaana bakeni babanyolekhana nibo bano: Ba okhwa Yoshua, ba okhwa Yosataki, ne bawandaaye, Maaseya, Elieseri, Yaribu, ne Ketalia.

¹⁹Basuubisia khulekhana ne bakhasi babwe, mala baana limiiku nga siianwa sie bumayaanu bwabwe.

²⁰Be owa Imeri baba: Hanani ne Sebatia.

²¹Be owa Harimu baba: Maaseya, Elicha, Shemaya, Yehieli ne Usia.

²²Be owa Pashihuri baba: Elioenai, Maaseya, Ishimaeli, Netaneli, Yosabati, ne Elasa.

²³Balawi baba: Yosabati, Simei, Kelaya (lundi olaangwa Kelita), Petahiya, Yuda, ne Elieseri.

²⁴Babeembi be kimienya: Eliashibu. Baliindi be silibwa sie Lukaangu: Sialumu, Telemu ne Uri.

²⁵Babaandi mu Isiraeli: Be owa Paroshi: Ramia, Isia, Malkiya, Miyamini, Eliesa, Malichiya, ne Benaya.

²⁶Be owa Elamu: Matania, Sakaria, Yehieli, Abudi, Yeremoti, ne Elicha.

²⁷Be owa Satu: Elioenai, Eliashibu, Matania, Yeremoti, Sabati, Asisa.

²⁸Be owa Bebai: Yehohanani, Hanania, Sakai, ne Atilai.

²⁹Be owa Bani: Meshulamu, Maluki, Adaia, Yashubu, Sheali, ne Yeremoti.

³⁰Be owa Pahati-moabu: Atina, Kelali, Benaya, Maaseya, Matania, Besaleli, Binui, ne Manase.

³¹Be owa Harimu: Elieseri, Isiiya, Malichiya, Shemaya, Simioni,

³²Benjamini, Maluki, ne Shemaria.

³³Be owa Hasiumu: Matenai, Matata, Sabati, Elifeleti, Yeremai, Manase, ne Simei.

³⁴Be owa Bani: Maatai, Amuramu, ne Ueli,

³⁵Benaya, Beteya, ne Keluhi

³⁶Wania, Meremoti, ne Eliashibu

³⁷Matania, Matenai, ne Yaasu.

³⁸Be owa Binui: Simei,

³⁹Shelemia, Nasani, Adaia,

⁴⁰Makinatebai, Siasai, Sharai,

⁴¹Asareli, Shelemia, Shemaria,

⁴²Sialumu, Amaria, ne Yosefu.

⁴³Be owa Nebo: Yeieli, Matitia, Sabati, Sebina, Yatai, Yoeli, ne Benaya.

⁴⁴Babaandu bano boosi baba bakhwa bakhaana khukhwama mu kholo chingeni. Babaoona barekukha ne babaana babwe.