Read lubukusu Ayu. 12 Bible Online

Ayu. 12 - lubukusu bible

Ayu. 12

¹Nio Ayubu aakobosia ali,

²“Ng'ali enywe muli babaandu abo, lundi ne mufwa, limanya likhafwe ne naywe.

³Ne kakhali ese ndi ne limanya bulayi bwene nga lilienywe, enywe se mukhila ese tawe, naanu ookhamanyile ako tawe?

⁴Ese ndi sieenya meeno khu basaale base, akhaba ne nasaba Wele mala aangobosia, akhaba ne njekheelelwa, ese ndi owa ng'ali lundi se ndimo liibi tawe.

⁵Oyo ooli bulayi alekeelesia butinyu, ebaasia ali abo bamiuukha niibo bakwa mu butinyu.

⁶Babefwi bamenyile mu muleembe, ne abo baambia Wele lirima baliindwa, beyikina kamaani kabwe nga wele wabwe.

⁷“Ne kakhali reeba chisolo, mala chilakhwekisia, reeba chinyuni, ne chilakhuboolela,

⁸namwe reeba bimelwa, mala bilakhwekisia, reeba ching'eeni che mu nyanja chikhuboolele.

⁹Mu biindu bino bioosi, silala siina siikhamanyile sili, Wele Omunyali Owa Bioosi niye ookholile kano tawe?

¹⁰Bulamu bwa buli sibuumbe, ne kumuuya kwa buli mundu bili mu bunyali bwewe.

¹¹Liiru liiulila kamakhuwa, bulayi bwene nga lulimi ne luchanjama siakhulia.

¹²Limanya lili mu bakofu, ne khumenya lukali khulimo bukesi.

¹³Bukesi ne bunyali bili bia Wele, ali ne likaambila ne busicha.

¹⁴Wele aaba ne atechula mbao oonyala ombakha lundi tawe, Wele aaba ne ara omundu mu siboe mbao oonyala aamukangulula tawe.

¹⁵Wele aaba ne akhiingilila kameechi efula se ekwa tawe, ne aaba ne akalekhuula, kechula sibala.

¹⁶Wele ali ne kamaani ne limanya, niye babea nende oyo obea, boombi bali babewe.

¹⁷Wele aonanga bakaambisi ne bacha sichula, ne khusilwasia bakhalaki.

¹⁸Afuulanga babaami chingubo chabwe che bubwami, ne khubaboa kimisiipi kie baboe,

¹⁹Wele alekhanga basaayi ne bakeenda sichula, ne khuula be bunyali.

²⁰Anuulaanga bakambisi bunyali bwabwe bwe khulomaloma, ne khunuula basaakhulu limanya liabwe.

²¹Aambia baruki chisoni chingali, mala anuula be bunyali be kamaani kabwe.

²²Ekesianga abuwaanga chisiba che sisiilima sikali, ne khureera buwaanga mu siilima sikali.

²³Akaliianga chikholo mala achibunia, abalaayianga babaandu mala abasalanisia.

²⁴Arusia limanya mu baami be babaandu, ne khubakhola bayiiyeyiiye mu sichiimi.

²⁵Babubuukila mu siilima niio buwaanga bukhali tawe, lundi abakhola ne bataalitaala nga bameesi.”