Read lubukusu Chiny. 101 Bible Online

Chiny. 101 - lubukusu bible

Chiny. 101

¹Lulwimbo lwa Daudi Lulwimbo lwase luli khu busuubilwa ne bung'ali, ne ndakhwimbila ewe ee Wele Omunyali Owa Bioosi.

²Liba liase se lilabamo bubi tawe. Oliicha niio ndi siise siina? Ndimenya mu buluungi munju yase,

³ne se ndifukiilila bibiindu biikhali ne bukhala mu moni chase tawe. Nabiila bikholwa biabo balekha Wele, se ndiba mu bulala nabo tawe.

⁴Se ndiba omubacha tawe, ne se ndiba alala ne bubwoni tawe.

⁵Ndibunia abo baloma ke bubwoni khu mundu okundi, se ndifukiilila omundu owe kibonio ne sileka tawe.

⁶Ndifukiilila abo baali basuubilifu mu sibala ne khubalekha bamenye mwichipi liase. Abo bakhalikho ne bubacha tawe balifukiililwa khu khukholela ese.

⁷Omubeeyi se alimenya mwichipi liase tawe, omubacha se alimenya niio ndi tawe.

⁸Buli ndaalo ndibunia babooni mu sibala siefwe, ndirusia babooni khukhwama mu lukoba lwa Wele Omunyali Owa Bioosi.