Read lubukusu Chiny. 136 Bible Online

Chiny. 136 - lubukusu bible

Chiny. 136

¹ Khupila Wele Omunyali Owa Bioosi orio, sikila ali omulayi, busiime bwewe buli bwa mindali.

²Khupila orio Wele ooli omukali khukhila bawele boosi, busiime bwewe buli bwa mindali,

³khupila orio Omwami owe bunyali khukhila babaami boosi, busiime bwewe buli bwa mindali.

⁴Niye yeng'ene okholanga kamayia ke khuukia lukali, busiime bwewe bwa mindali.

⁵ Aabaang'ana likulu khulwe limanya liewe likali, busiime bwewe buli bwa mindali,

⁶ Akhola sibala khu lusiba lwe kameechi, busiime bwewe buli bwa mindali.

⁷ Aabuumba enyanga ne kumwesi, busiime bwewe buli bwa mindali,

⁸enyanga khukhosia kumuusi, busiime bwewe buli bwa mindali,

⁹siilo kumwesi ne ching'enieesi, busiime bwewe buli bwa mindali,

¹⁰ Eera babaana basoleeli babele be Bamisiri, busiime bwewe buli bwa mindali.

¹¹ Aarusia Baisiraeli e Misiri, busiime bwewe buli bwa mindali,

¹²ne kamaani kewe, ne bunyali bwewe bukali, busiime bwewe buli bwa mindali.

¹³ Aabukhasiamo Enyanja eya Shamu abili, busiime bwewe buli bwa mindali,

¹⁴aambusiliamo Baisiraeli, busiime bwewe buli bwa mindali,

¹⁵ne kakhali amwaata mu nyanja eya Shamu omwo omwami owa Misiri ne banamae bewe boosi, busiime bwewe buli bwa mindali.

¹⁶Aarangirira babaandu bewe mu siangalaamwe, busiime bwewe buli bwa mindali.

¹⁷Eera babaami be bunyali, busiime bwewe buli bwa mindali,

¹⁸eera babaami bamanyifu, busiime bwewe buli bwa mindali,

¹⁹ Sihoni omwami owe Baamori, busiime bwewe buli bwa mindali,

²⁰ ne Oku omwami owa Basiani, busiime bwewe buli bwa mindali.

²¹Aaelesia babaandu bewe kamaloba kabwe, busiime bwewe buli bwa mindali.

²²Aaelesia Isiraeli, omukholi wewe, busiime bwewe buli bwa mindali.

²³Se akhwibilila efwe ne khukhiliilwe tawe, busiime bwewe buli bwa mindali,

²⁴aakhusikula efwe khukhwama khu basiku befwe, busiime bwewe buli bwa mindali.

²⁵Aelesianga siakhulia khu buli sibuumbe, busiime bwewe buli bwa mindali.

²⁶Khupila Wele owe mwikulu orio, busiime bwewe buli bwa mindali.