Read lubukusu Chiny. 137 Bible Online

Chiny. 137 - lubukusu bible

Chiny. 137

¹Efwe khwekhala a njichi cha Babiloni, ebweeneyo khwekhala asi ne khulila, nga ne khwakhebulila Sayuni.

²Khwaanikha kamatuungu kefwe ebweeneyo, khu sakia che kamateeka.

³Abo babakhuamba efwe bakhuboolela efwe khwimbe, bakhuboolela efwe khubasangaasie, baloma bali, “Khwimbile efwe lulwimbo khuloondekhana ne Sayuni.”

⁴Khunyala khuriena khwembela Wele Omunyali Owa Bioosi lulwimbo mu sibala sikeni?

⁵Ee Yerusalemu, kaaba bali ese khwibilila ewe, lekha kumukhono kwase kumuseecha kufwokoye!

⁶Kaaba bali ese se khukhebulila ewe tawe, kaaba bali ese se mbukula Yerusalemu khuuba sinoko sie busangaafu bwase bukali tawe, lekha lulimi lwase luaande.

⁷Wele Omunyali Owa Bioosi, khebulila niko Baedomu bakhola, endaalo niyo baamba lukoba lwa Yerusalemu. Khebulila nga babeelelela khuloma bali, “Lutechulake!”

⁸ Babiloni ewe, balakhubunia. Omundu owiyacha khwiwe khu niko ewe wakhukholela efwe ali omusangaafu,

⁹oyo obukula babaana bowo batoro, ne khu baapa khu lwanda.