Read lubukusu Chiny. 138 Bible Online

Chiny. 138 - lubukusu bible

Chiny. 138

¹Lulwimbo lwa Daudi Wele Omunyali Owa Bioosi, ese khupila ewe orio ne kumwoyo kwase kwoosi, Ese niimba khu khufumia ewe ebweeni we bawele.

²Ese ndola niio lukaangu lutakatifu lwowo luli, ninamila, ne khu khufumia ewe, sikila busiime bwowo bukhawa tawe ne busuubilifu bwowo, sikila ewe wekesie oli lisina ne kamalaka kowo bili bie angaaki mu bioosi.

³Ese nakhusaba ewe mala wanjeeta, wandasa kamaani.

⁴Wele Omunyali Owa Bioosi, babaami be mu sibala boosi bakhakhufumie ewe, sikila baulila kamasuubisia kowo.

⁵Bakheembe khu niko ewe okholile, nende khu luyali lwowo lukali.

⁶Akhaba ne oli owe Angaaki Lukali, oliindanga babeboombia, lundi babebonia se banyala bekisa khukhwama khwiwe tawe.

⁷Nga naba ne butinyu bukali, ewe waniinda. Okhiingililanga basiku base be lirima, ne khu khumbonia ese khulwe bunyali bwowo.

⁸Okhakhole buli siindu nisio osuubisie, Wele Omunyali Owa Bioosi, busiime bwowo buli bwa mindali. Maliila kumulimo nikwo orakiikhe.