Read lubukusu Chiny. 14 Bible Online

Chiny. 14 - lubukusu bible

Chiny. 14

¹Lulwimbo lwa Daudi Basilu balomanga mu miooyo kiabwe bali, “Wele se aliio tawe.” Boosi babeele babi busa, bakholile kamabi kasinya. Se aliio okhola kamalayi tawe.

²Wele Omunyali Owa Bioosi ne ali mwikulu alolanga asi khu baandu, abone bakesi ne balikhoo, abone bamusayaanga ne balikhoo.

³Ne kakhali boosi bakholile kamabi, boosi alala babeele babi. Se aliio okhola kamalayi tawe, se aliio akhaba mulala tawe.

⁴Babooni bano boosi se balimo bukesi tawe? Bamila babaandu base oli bamila kumukaati, mala se basaaya Wele Omunyali Owa Bioosi tawe.

⁵Nio baliba mu bireengo bikali, sikila Wele ali lubeka lwe baluungi.

⁶Babooni bachekheelela lilieyikina lio mubanani, ne kakhali Wele Omunyali Owa Bioosi ali bubwilukhilo bwewe.

⁷Nekoomba ndi mbone bulekhuule ne bwolela Isiraeli khukhwama Sayuni! Wele Omunyali Owa Bioosi nga aliisiao kimiaandu kie babaandu bewe, lisaaye lia Yakobo liliekhoya, Baisiraeli balisangaala.