Read lubukusu Chiny. 141 Bible Online

Chiny. 141 - lubukusu bible

Chiny. 141

¹Lulwimbo lwa Daudi Wele Omunyali Owa Bioosi, ese khusaba ewe, luno unjeete! Ese ne khusaba ewe, rekeeresia.

² Fukiilila lisaba liase nga bupaani, kamakhono kase niko sutile mu ngaaki nga embosio eye ekolooba.

³Ee Wele Omunyali Owa Bioosi, liinda kumunwa kwase, kamabi kakhaba khu minwa kiase tawe!

⁴Okhandekha nenya khukhola kamabi tawe, lundi okhandekha naba alala ne babi mu mabi kabwe tawe. Okhandekha nabakho mu naikara chabwe tawe.

⁵Omundu omulayi anyala ambukuuma ese, ne khu khundafwira mu bulayi, ne kakhali se ndifukiilila lukoosi khukhwama khu baandu babi tawe, sikila sabanga biise bioosi khulwe khukhiingilila bikholwa biabwe biibi.

⁶Ne bakharwe mu bunyali bwabo balibaukuuma, balimanya bali likhuwa lia Wele Omunyali Owa Bioosi lili lia ng'ali.

⁷Bikuumba biabwe bilisalanisibwa abiliindwa, nga chiikhu chichasakwa ne khutonywakamo.

⁸Omwami Owe Banamae, ne kakhali ese neyikina mwiwe. Ese nenya buliindi bwowo, okhandekha nafwa tawe!

⁹Niinde khukhwama khu ndiimba nicho barekire bandiile, khukhwama mu mireko kie babi.

¹⁰Lekha babooni bakwe mu ndiimba chabwe babeene, mala ese ndobe khunyoolakho butinyu tawe.