Read lubukusu Chiny. 142 Bible Online

Chiny. 142 - lubukusu bible

Chiny. 142

¹Lulwimbo lwa Daudi nga ne aba mwibina Ese saba Wele Omunyali Owa Bioosi khulwe buyeeti, ese mwekoonjelela niye.

²Ese mweloochelanga ka kase koosi, muboolelanga niye butinyu bwase bwoosi.

³Amanyile nisio nenyibwa khole, ne nenya khufwa kumwoyo. Basiku base barekire luriimba khu ngila niyo ngendelakho.

⁴Ne nikhebukha, mbona ndi ounjeeta se aliio tawe, ouniinda se aliio tawe. Oundeecha se aliio tawe.

⁵Wele Omunyali Owa Bioosi, ese khulilila ewe khulwe buyeeti, Wele Omunyali Owa Bioosi, ewe oli omuliindi wase, oli buli siindu nisio ese nenya mu bulamu buno.

⁶Rekeeresia khulila khwase khulwe buyeeti, sikila ndi mu butinyu bukali. Mbonie ese khukhwama khu basiku base, basiku base bali ne kamaani kamakali khu khukhila.

⁷Mbelesie bulekhuule khukhwama mu butinyu[67] bwase, nio ese khufumie ewe ebweeni we babaandu bowo sikila bulayi bwowo khwise.