Read lubukusu Chiny. 15 Bible Online

Chiny. 15 - lubukusu bible

Chiny. 15

¹Lulwimbo lwa Daudi Ee Wele Omunyali Owa Bioosi, naanu olicha mwieema liowo? Naanu olimenya khu sikulu siowo sitakatifu.[8]

²Omundu oomenya limenya likhabiiywakho khu liosi liosi tawe, ne kakhali akhola kaali kamalayi, lundi aloma bung'ali buuli mu mwoyo kwewe,

³okhali ne kamakuto tawe, mala se akholela owasie kamabi tawe, namwe se aloma bubeeyi khu wasie tawe.

⁴Omundu oyo alekelesia nibo Wele Omunyali Owa Bioosi aloba, ne kakhali akoosia abo baria Wele Omunyali Owa Bioosi, akholanga koosi niko asuubisia, se akaluukhananga tawe, akhaba ne kali kamuumisia.

⁵Omundu ario se ekopia khulwe khunyoola bukhala tawe, se afukiilila asoya khulwe khunaania bakhali ne bubi tawe. Oyo okhola kano koosi se alisisiikhwakho tawe.