Read lubukusu Chiny. 2 Bible Online

Chiny. 2 - lubukusu bible

Chiny. 2

¹ Siina sikila chikholo ne chikwangwaana, siina sikila babaandu ne barekekha bia busa?

²Babaami babwe bakwangwaana khukhola sileka, baruki babwe bauliilisiana boosi khuloba Wele Omunyali Owa Bioosi no mwami omurobore wewe. Baloma bali,

³“Lekha khukitule kiminyololo kiabwe, mala khumwaate kimikoye kiabwe kikiakhuboa efwe.”

⁴Wele Omunyali Owa Bioosi we mwikulu abachekheelela, sikila kamarekekha kabwe kali ka busa.

⁵Abarafwira mu lirima liewe likali, abariikhirisia mu burafu bwewe lundi ne aloma ali,

⁶“Nareere omwami omurubore wase, khu Sayuni[1] sikulu siase sitakatifu.”

⁷ Omwami aloma ali, “Ndaboola likhuwa lia Wele Omunyali Owa Bioosi. Ambooleele ali: Ewe oli omwana wase luno nabeele Paapa wowo.

⁸Ne usaba ndakhola chikholo choosi chibe asi wowo, ne sibala sioosi siliba asi wowo.

⁹ Okhape chikholo ne siimbo eye sichuuma, obaraakake nga enyuungu eye liloba.”

¹⁰Khwako baami enywe, manya likhuwa lino, enywe baruki be sibala, ulila engaani yino!

¹¹Kholela Wele Omunyali Owa Bioosi mu buri ne lilieboombia.

¹²Mwinamile, busa akhola ario aambwa lirima, mala wafwa biise ne bisiili, sikila lirima liewe lili khangu. Ne kakhali bali ne chikhabi lukali, abo boosi babelukhila mu buliindi bwa Wele Omunyali Owa Bioosi.