Read lubukusu Chiny. 25 Bible Online

Chiny. 25 - lubukusu bible

Chiny. 25

¹Lulwimbo lwa Daudi Ee Wele Omunyali Owa Bioosi, mbaana lisaba liase khwiwe.

²Ee Wele wase, khweyikina ewe, okhandekha naambwa chisoni tawe, okhalekha basiku base banjekheelela tawe.

³Ng'ali okhalekha yesi yesi okhweyikina aambwe chisoni tawe, lekha abo baali khangu khukhola bubwoni baambwe chisoni.

⁴Ee Wele Omunyali Owa Bioosi, njekesie chingila chowo, njeyikie chingila chowo.

⁵Njeyikie khumenya khuloondekhana ne bung'ali bwowo, sikila ewe oli Wele wase, oumbonianga. Ese khweyikinanga ewe biise bioosi.

⁶Ee Wele Omunyali Owa Bioosi, khebulila siisa siowo, ne busiime bwowo bukhawa tawe, nibio okhukholelanga khukhwama khale.

⁷Okhakhebulila bubwoni bwase ne ndi mwana namwe bumayaanu bwase tawe, khebulile ese khulwe busiime bwowo bukhawa tawe, ee Wele Omunyali Owa Bioosi, khulwe bulayi bwowo.

⁸Sikila Wele Omunyali Owa Bioosi omuluungi lundi omulayi, khwako eyikianga babooni engila niyo bakhoyeele baloonde.

⁹Arangiriranga babeboombia mu ngila enuungi, ne khubeyikia lilienya liewe.

¹⁰Chingila cha Wele Omunyali Owa Bioosi, choosi chili busiime bukhawa tawe ne busuubilifu, khwaabo baria endakaano ne kamalaka kewe.

¹¹Ee Wele Omunyali Owa Bioosi, khulwe lisina liowo, mbeele bubwoni bwase, sikila buli bukali.

¹²Omundu oria Wele niye naanu? Omwenoyo, Wele Omunyali Owa Bioosi, alimweyikia engila niyo akhoyeele aloonde.

¹³Omwenoyo alinyoola limenya lilayi, ne babaana bewe balinyoola kamaloba.

¹⁴Busaale bwa Wele Omunyali Owa Bioosi buli khwaabo bamuria, lundi ababoolela endakaano yewe.

¹⁵Ndoleelela Wele Omunyali Owa Bioosi khulwe buyeeti buli lwoosi, ne andusia mu mireko.

¹⁶Wele Omunyali Owa Bioosi, ndole mala ukholele siisa, sikila ndi seng'ene lundi khupisibwa siibi.

¹⁷Rusia butinyu mu mwoyo kwase, mala undusie mu khunaanisibwa khwase.

¹⁸Lola buchuuni bwase ne butinyu bwase, mala umbeele bubwoni bwase bwoosi.

¹⁹Lola obone ndi ne basiku beenga, lundi bambiila lukali po.

²⁰Liinda bulamu bwase mala umbonie, okhandekha naambwa chisoni tawe, sikila nilukhila mwiwe.

²¹Lekha bulayi ne busuubilifu bwase biniinde, sikila lilieyikina liase lili khwiwe.

²²Ee Wele Omunyali Owa Bioosi, sikula Baisiraeli, khukhwama mu butinyu bwabwe bwoosi.