Read lubukusu Chiny. 26 Bible Online

Chiny. 26 - lubukusu bible

Chiny. 26

¹Lulwimbo lwa Daudi Ee Wele Omunyali Owa Bioosi, yekesia oli se ndikho ne bubi tawe, sikila nakeendile khu ngila enuungi, mala lilieyikina liase mu Wele Omunyali Owa Bioosi se liwechanga tawe.

²Ee Wele Omunyali Owa Bioosi, menieelesie ese mala ukhake, kela kumwoyo kwase ne chinganakani chase.

³Busiime bwowo bukhawa tawe buli nase, bubweyikinwa[15] bwowo bundangiriranga buli lwoosi.

⁴Se nikhalanga ne babaandu babeeyi tawe, namwe nekhala alala nende babacha tawe,

⁵Se nenyanga khuba alala ne babi tawe, ne se ndikhalakho ne babooni tawe.

⁶Ee Wele Omunyali Owa Bioosi, saaba kamakhono kase khukhwekesia ndi se ndikho ne bubi tawe, ne nja a alutare yowo mu khukhusaaya ewe.

⁷Niimba lukali lulwimbo lwe khusiima, ne khuboola khu bikholwa biowo bioosi bie khuukia.

⁸Ee Wele Omunyali Owa Bioosi, nasiima bulayi bwe nju yowo niyo omenyilemo, ne abuundu niio luyali lwowo luli.

⁹Okhambunisilia alala ne babooni tawe, namwe wanjirira alala ne babeeri tawe,

¹⁰babaandu bakholanga bubwoni, lundi baakaanilanga asoya lukali.

¹¹Ne kakhali ese ngendela mu buluungi bwase, kholele ese siisa mala usikule.

¹²Nemile abuundu we kumuleembe, ndifumia Wele Omunyali Owa Bioosi mwibuusiana liboofu.