Read lubukusu Chiny. 30 Bible Online

Chiny. 30 - lubukusu bible

Chiny. 30

¹Lulwimbo lwa Daudi khulwe khukhwaulwa khwe Lukaangu Ee Wele Omunyali Owa Bioosi, ndalaangilila bukali bwowo, sikila ewe wasikuule, ne se walekhile basiku base banjekheleele tawe.

²Ee Wele Omunyali Owa Bioosi, Wele wase, nakhulilila khulwe buyeeti, mala ewe wamboniisie.

³Ee Wele Omunyali Owa Bioosi, ewe wandasa bulamu. Wandamusia narura mu bafu.[18]

⁴Enywe basuubilwa ba Wele Omunyali Owa Bioosi, yimba mu khufumia Wele Omunyali Owa Bioosi! Khebulila niko Omutakatifu Oyo akholile, mala mu mupile orio!

⁵Lirima liewe lili lie siise sitiiti, ne kumwalaalo kwewe kuli kwa buli lwoosi, khulila khunyala khwabao siilo sioosi, ne kakhali busangaafu bwichao kumutikhinyi.

⁶Nga naba ne kumuleembe naloma ndi, “Se ndikhilwa tawe.”

⁷Wele Omunyali Owa Bioosi, ewe waba omulayi khwise, ewe waniinda nga bubwikiso bwe mu sikulu, ne kakhali wandekha seng'ene, mala naayaaya.

⁸Ee Wele Omunyali Owa Bioosi, nakhulilila ewe, mala naana lisaba khwiwe,

⁹“Lifwa liase lilimo bukhala siina, kaaba bali niikha emakoombe? Bafu banyala khukhufumia ku? Banyala balaangilila busiime bwowo bukhawa tawe ku?

¹⁰Ee Wele Omunyali Owa Bioosi, ulila mala unjalaale! Ee Wele Omunyali Owa Bioosi, ba omuonia wase!”

¹¹Ewe wakaluukhasie khusulunya khwase khwabeele bukhino bwe khoyo, warusiisieo sibeela siase ne khukhungara ne khoyo,

¹²khwako se ndasila tawe, ndeemba khukhufumia ewe, Wele Omunyali Owa Bioosi, ewe oli Wele wase, ndakhupila orio buli lwoosi.