Read lubukusu Chiny. 46 Bible Online

Chiny. 46 - lubukusu bible

Chiny. 46

¹Lulwimbo lwe babaana ba Kora Wele ali bubwilukhilo ne kamaani kefwe, buyeeti bwefwe mu biise bie butinyu bioosi.

²Khwako sibala siakhaterema, mala bikulu biakwa mu siba che nyanja,

³Chinyanja chakhaoloola ne khusiukha mala chireengia chingulu khulwe kamaani kacho, se khulaba ne buuri tawe.

⁴Luluuchi luliio lureeranga ekhoyo mu lukoba lwa Wele, enju endakaasibwe nimwo owe Angaaki Lukali amenyile.

⁵Wele ali mu lukoba olwo, ne se luliulwa tawe, Wele aliluyeeta mu makhelebeende.

⁶Bibala biterema, bubwami bureenga, kumumilo kwa Wele kwatirira, mala sibala siayengukha.

⁷Wele Omunyali Owa Bioosi ali nafwe, Wele owa Yakobo ali bubwilukhilo bwefwe.

⁸Yiicha, lola bikholwa bia Wele Omunyali Owa Bioosi, lola nga akholile ke khuukia mu sibala.

⁹Akila liie ne liwao mu sibala sioosi, afunamo buyiingo ne khufuniakaka kamafumo, osia chingabo[26].

¹⁰Wele aloma ali, “Yioleelesia, ne khumanya muli ese ndi Wele, chikholo choosi chifumia ese, sibala sioosi siifumia ese!”

¹¹Omwami Owe Banamae ali nafwe, Wele owa Yakobo ali bubwilukhilo bwefwe.