Read lubukusu Chiny. 52 Bible Online

Chiny. 52 - lubukusu bible

Chiny. 52

¹Lulwimbo lwa Daudi, enyuma wa Toeki Omuedomu khucha khuboolela Saulo ali Daudi achiile munju eya Ahimeleki. Ee wanangali, siina sikila ne webonia khulwe bubwoni nibwo okholela babaandu batakatifu?

²Orekekha libuna endaalo yoosi, lulimi lwowo luli nga lubeko lulwooki, ewe wibaasianga khukhola kamabi.

³Ewe wasiima bubwoni khukhila buluungi, ne khubea khukhila khuloma bung'ali.

⁴Mubeeyi ewe, wasiima chilomo chichirisia babaandu!

⁵Khwako Wele alikhubunia ewe buli lwoosi, alikhutiila ne khu khurusia ewe mungo mwowo ne kamaani, alikhurusia ewe mu sibala sie balamu.

⁶Babaandu baluungi balibona kano mala barie, nio balikhuchekha ewe ne baloma bali,

⁷“Lola, omundu yuno se eyikina Wele khulwe buliindi tawe, ne kakhali eyikina kimiaandu kiewe kimikali, mala ayiima buliindi mu bwoni bwewe.”

⁸Ne kakhali ese ndi nga kumuseituni munju eya Wele, neyikina busiime bwa Wele bukhawa tawe, mindali na mindali.

⁹Khakhupile orio buli lwoosi Wele sikila niko ewe ukholeele ese, khalaangile ndi ewe omulayi ebweeni we babaandu bowo.