Read lubukusu Chiny. 53 Bible Online

Chiny. 53 - lubukusu bible

Chiny. 53

¹Lulwimbo lwa Daudi Basilu bebaasia bali, “Wele se aliio tawe.” Boosi babeele babi busa. Bakholile kamabi kasinya, se aliio okhola kamalayi tawe.

²Wele ne ali mwikulu alolanga asi khu baandu, abone bakesi ne balikhoo, bamusaayanga ne balikhoo.

³Ne kakhali boosi bakholile kamabi, boosi alala babeele babi. Se aliio okhola kamalayi tawe, se aliio akhaba mulala tawe.

⁴Abo bakhola bubwoni se bali ne limanya tawe? Bamila babaandu base oli balia siakhulia, mala se basaaya Wele tawe?

⁵Nio baliaamba bireengo bikali, nibio bakhabaakho nabio tawe, sikila Wele alisalanisia kimibili kie basiku bewe, Wele abalobile, ne khwako Baisiraeli bakhabaulile elala.

⁶Nekoomba ndi mbone, bulekhuule ne bwolela Isiraeli khukhwama Sayuni! Omuonia Wele nga aliisiao kimiaandu kie babaandu bewe, lulwibulo lwa Yakobo luliekhoya, Baisiraeli balisangaala.