Read lubukusu Chiny. 56 Bible Online

Chiny. 56 - lubukusu bible

Chiny. 56

¹Lulwimbo lwa Daudi enyuma we Bafilisiti khumuambila e Kati Ee Wele, njalaale ese, sikila babaandu banjibwakaale ese, basiku base bakhupia ese siibi biise bioosi,

²basiku base banjibwaakala biise bioosi, sikila bakali mu sileka siabwe bapana nase, ee owe Angaaki Lukali.

³Buuri ne bundiila ese, nda lilieyikina liase mwiwe.

⁴Ese neyikina mu Wele ne se ndi ne buuri tawe, ese fumia Wele khulwe ndakaano yewe, siina nisio omundu busa anyala akhola khwise?

⁵Biise bioosi benya khukhwonaka kamarekekha kase, mu mebaasio kabwe koosi beenya kamabi kanyoole ese.

⁶Bebuusia alala abuundu niio bekisa, ne khuloleelela buli siindu nisio ese khola, mu khwenya khu khunjira.

⁷Ee Wele, baukuume khulwe bubwoni bwabwe, mwirima liowo ula babaandu abo!

⁸Ewe omanyile khuluywa khwase, wakelile khukhila khwase, kano se kali mu sitabu siowo Wele?

⁹Khu ndaalo niyo khusaba ewe, basiku base balikhilwa. Ese manyile ndi Wele[32]ali lubeka lwase.

¹⁰Mu Wele, niye ese fumia likhuwa liewe, mu Wele Omunyali Owa Bioosi, niye ese fumia likhuwa liewe,

¹¹se ndi ne buuri khu khweyikina mu Wele tawe, siina nisio omundu busa anyala akhola khwise?

¹²Ee Wele, ese khakhole niko nelakana khwise, ese khakhuelesie biianwa bie khu khupila ewe orio.

¹³Sikila ewe Wele wasikuule ese khukhwama mwifwa, ne khu khuniinda ese khakhilwa tawe. Ne khwako ese mba niio ewe oli Wele, mu buwaanga bwe bulamu.