Read lubukusu Chiny. 61 Bible Online

Chiny. 61 - lubukusu bible

Chiny. 61

¹Lulwimbo lwa Daudi Ee Wele, ulila khulila khwase, rekeeresia lisaba liase.

²Khulilila ewe khukhwama khu siakamo sie sibala, nendi ne kumwoyo kufuniikhe, ndangirire niine khu lwanda nilwo khanyala khuniina tawe;

³sikila ewe omuliindi wase, omuliindi wase owe kamaani khu basiku base.

⁴Ndekhe ese menye Abuundu Atakatifu wowo, ndekhe mbe ne kumuleembe asi we chindaa chowo.

⁵Sikila ewe ee Wele, wauliile endakaano yase khwise, ne ewe wambelesie ese kumukabwa nikwo oelesianga abo ba bakhuria ewe Wele.

⁶Leeyia bulamu bwo mwami, lekha kimiiko kiewe kichiililile khu selukho choosi!

⁷Ee Wele, mulekhe aruke buli lwoosi ebweeni wowo, liinda Omwami mu busiime bwowo bukhawa tawe, ne bubweyikinwa bwowo.

⁸Nio buli lwoosi ndiimba chinyimbo che khu khufumia ewe, nga ne khukholela ewe niko nelakana khwiwe.