Read lubukusu Chiny. 64 Bible Online

Chiny. 64 - lubukusu bible

Chiny. 64

¹Lulwimbo lwa Daudi Wele, ese ndi mu butinyu, ulila lisaba liase! Nariire basiku base, onia bulamu bwase!

²Ngise ese khukhwama mu bukwangwaani bwe babooni mu bwikisi, khukhwama mu bukwangwaani bwe babi.

³Baakala chindimi chabwe nga chimbalu, ne khulasa chilomo chindafu nga buembo,

⁴Balasa khukhwama niio bekhiiniile bakhali ne bubi tawe, babalasa mu khutundubikha ne se baria tawe.

⁵Batinyilisiana mu marekekha kabwe ke bubwoni, baboolana khurekekha chindimi mu bwikisi, bebaasia bali, “Naanu onyala akhubona efwe?

⁶Naanu onyala amanya bubwoni bwefwe? Khwakwangwaanile khukhola likhuwa lie bubacha bukali.” Sikila kamebaasio ne kumwoyo kwo mundu bili bibiindu bibiekisa!

⁷Ne kakhali Wele alibalasa buembo bwewe, baliumiia butundubikha.

⁸Alibabunia khulwe chilomo chabwe[34] boosi balibabona balibakhondoola.

⁹Nio babaandu boosi baliria, baliboola niko Wele akholile, lundi bebaasia niko akholile.

¹⁰Lekha baluungi bekhoye mu Wele Omunyali Owa Bioosi, mala belukhile mu Wele Omunyali Owa Bioosi, lekha baluungi boosi bamufumie!